麵屋一平安 (已結業)

要讲上次去一平安食拉面己经系二年前了，今次同以前一样照旧都系坐无虚席，需要等位先可以入座。嚟一平安最抵就系叫二人套餐，包括任选二款拉面或饭类＋二款小食＋二杯饮品，价钱比较大众化，既可以食到拉面又可以品尝到佢地的ｄ小食，一举两得。顺带一提，佢地ｄ坐椅既椅背比较矮，坐得好唔舒服，唔知系咪想人坐唔得耐，咁就可以翻多几次枱。先讲下拉面，呢款拉面汤底系猪骨汤，但汤底饮落并唔系想像中有好浓猪骨汤味，冇咩特别，俾唔到一种你想不断去饮既感觉。面质不会过淋，刚刚好。流心蛋和鹌春蛋亦冇过熟，蛋黄亦系流心状态。叉烧总共有三块，肉质软滑，口感不错。我亦十分认同楼上的食评，不要以拉面店的心态嚟食拉面，因为佢的拉面唔系十分出色，以这款拉面的整体质素嚟讲。鱿鱼筒可选烧汁或盐烧，而我就选择了烧汁。鱿鱼筒配上美味的烧汁是不错的，鱿鱼的肉质亦十分弹牙。而炸八爪鱼球系煮得刚刚好，外脆内软，不会像街边的小食店煮到过熟，不过味道只属一般，不过不失喇。