影片
更多
2018-12-27
95 浏览
我同我个朋友都系好钟意食日本野，咁岩系日本去完旅行番黎，仲系对日式料理念念不忘，之前黎呢到食过觉得几好，于是我就同我朋友黎左呢到再次光临~黎到大约20：00左右，入面已经爆场，同之前一样咁受欢迎我地两个人咩都想食，于是由前菜到甜品都分别叫左少少先上嘅香芒熏鸭胸沙律，一片片嘅熏鸭胸下垫上芒果同沙律菜熏鸭胸夹上香甜嘅芒果肉一齐食，呢两样眼睇一啲关系都无嘅食物放埋一齐，估唔到有意外惊喜，一甜一咸嘅配搭，味道非常匹配，睇得出餐厅都花左唔少心思系设计配搭上，沙律菜亦都好新鲜，为我地呢一餐开始左一个好嘅开头，对之后啲美食更加充满期待。黑松露香芒甜虾卷香浓嘅黑松露味道，配上香芒同甜虾，味道鲜甜可口，一口一件，好满足喔~到左冬天试问有边个唔想食火锅呢，冬日期间限定-赤味噌麻辣锅，包括安格斯牛肉、黑豚肩肉、土鸡、福袋、杂菜等，非常丰富，见到有咁多野食，都忍唔住流口水唔好比佢个名吓亲就以为佢会好辣，汤底甜甜地，就算唔食得辣嘅朋友仔都可以食我地先落左杂菜吸收汤底嘅味道再慢慢品尝肉类，安格斯牛肉雪花分怖平均，渌8秒左右就岩岩好，肉质嫩滑，好香牛味。黑豚肩肉同土鸡都非常有弹性，土鸡仲用左黑椒等香料调味，更加香口
黎到大约20：00左右，入面已经爆场，同之前一样咁受欢迎
我地两个人咩都想食，于是由前菜到甜品都分别叫左少少
先上嘅香芒熏鸭胸沙律，一片片嘅熏鸭胸下垫上芒果同沙律菜
熏鸭胸夹上香甜嘅芒果肉一齐食，呢两样眼睇一啲关系都无嘅食物放埋一齐，估唔到有意外惊喜，一甜一咸嘅配搭，味道非常匹配，睇得出餐厅都花左唔少心思系设计配搭上，沙律菜亦都好新鲜，为我地呢一餐开始左一个好嘅开头，对之后啲美食更加充满期待。
黑松露香芒甜虾卷
香浓嘅黑松露味道，配上香芒同甜虾，味道鲜甜可口，一口一件，好满足喔~
到左冬天试问有边个唔想食火锅呢，冬日期间限定-赤味噌麻辣锅，包括安格斯牛肉、黑豚肩肉、土鸡、福袋、杂菜等，非常丰富，见到有咁多野食，都忍唔住流口水
唔好比佢个名吓亲就以为佢会好辣，汤底甜甜地，就算唔食得辣嘅朋友仔都可以食
我地先落左杂菜吸收汤底嘅味道
再慢慢品尝肉类，安格斯牛肉雪花分怖平均，渌8秒左右就岩岩好，肉质嫩滑，好香牛味。
黑豚肩肉同土鸡都非常有弹性，土鸡仲用左黑椒等香料调味，更加香口惹味又不失鸡肉嘅鲜味。田乐面豉烧日本米茄子，味道甜甜地，有啲似花生酱嘅味道，好惹味
而且可以保留茄子嘅JUICY，烧得恰到好处。
脆脆烧三文鱼皮，每件都脆卜卜，比起一般鱼皮有更香嘅鱼味，可以点上沙律酱，味道更加惹味。
到最后出场嘅嶡饼白玉宇治抹茶雪糕，雪糕有好香浓嘅抹茶味，入口好香滑，仲散发出抹茶嘅甘甜味，虽然系雪糕但一啲都唔滞，嶡饼同白玉好烟韧，次次黎到都一定要食，咁先够完美。
张贴
