開心麵皇 (已結業)

同朋友行过，朋友见到铜锣湾开左新野，其实呢闲我之前试过，觉得不错，也推荐朋友即刻去试试。朋友叫左鱼头汤面，系店员推介，我就叫左猪扒面。坦白讲，我对鱼头无咩好感，所以朋友碗面我都只系试左啲汤。不过，啲汤真系几惊喜，好鲜甜，最紧要系唔腥(如果我唔系唔识食鱼头，应该都会叫)。比起个鱼头面，我个猪扒面唔算有惊喜，可能因为猪扒点整都唔会太难食。但块猪扒好够热，系即叫即整既，都算系水准之作。食食下朋友建议叫埋小食同饮品，所以叫左一杯雪梨汁同一碟牛展，雪梨汁偏甜，唔系太欣赏。相反，牛展几入味，又弹牙，加落个鱼头汤度食，简直一流!成餐饭都食左成个几钟，食下倾下，可能因为系新店，人唔算多，加茶速度快(唔赶你走已经好比面=[ )，希望迟啲都可以keep住。总括黎讲，食物质素几好，价钱又唔贵(系铜锣湾黎讲简直系实惠XD)，我同朋友都应该会再黎，下次我会试下有鱼汤既面! XDXD p.s. 见到隔离枱食鲍鱼，唔记得叫咩名，不过个样好靓，又好似几正咁，下次一定要”豪”一次~haha~