樺得園 (已結業)

星期六午餐，去九龙城桦得园，已经第二次光顾。人比较多要等位，要留电话号码头四个数字留位，等咗大概十分钟就有位喇。等紧嘅时候已经闻到好香嘅煎汉堡味， 食欲大增 蘑菇汤有粒粒嘅蘑菇系汤中，但系个汤亦都好creamy，唔会水还水，不错。今次试下生酮同低碳都好适合食嘅：金文拔芝士汉堡包。金文拔芝士牛肉汉堡一块正宗金文拔芝士，呈圆饼形，表面带白霉菌，通常会连皮吃。Creamy 的芝士酥香软滑，味道层次丰富，细心吃会尝到蘑菇、牛油、松露，甚至是炆椰菜的味道，和一般在超市买到似橡胶的「芝士」非常不同。用金文拔芝士夹住牛肉汉堡，有生菜、番茄、 芝士加上酱汁，整个配搭好juicy。因为芝士有外皮， 里面软滑，几适合代替面包皮。 汉堡有两层，肉质比较扎实。 一啖系咬唔晒成个汉堡包，要用刀叉分层去食。西冷牛扒拼薯条 西冷牛扒好大块，系比较薄身嘅，味道好浓沃，调味好足够。 但有部分肉会比较结实。 薯条新鲜即炸，内脆外软，好味。