羅勇泰國粉麵 (已結業)

近排开左好多泰国粉面既餐厅，今次就试下呢间系厚福街既泰国粉面。我地两个人大约晚上7点几去到，店内已经有不少人!睇完餐牌后叫左一碗一粉一个饭、两个小食同两杯野饮!最快黎到系野饮，两个人都饮青柠梳打，佢既青柠梳打系平时餐厅见到一杯果D，并唔系有一枝梳打水(泰国牌子)果只，起初饮都几酸下...朋友叫左佢呢度既海南鸡饭，味道一般，份量如果系一个女仔就应该够既，但男仔就未必够饱!而我就叫左罗勇什锦汤河，粉系大大块的，汤底有药材味，所以未必个个人可以接受。份量都唔算好多，但佢既𩠌都几多!我地食哂饭同粉都仲要等一阵D小食先黎...我地叫左生虾刺身同埋泰式酱烧原只鱿鱼筒，先讲生虾刺身，酱汁味道一般，没有太大惊喜!泰式酱烧原只鱿鱼筒，跟想像中唔同，外形我地初初以为真系成只上，不过呢个唔系问题，颜色似刚刚烚熟既鱿鱼一样，冇果种有酱烧过既感觉，味道一都好淡，要慢慢细嚼先食到酱烧既味道!如果再食泰国粉面的话，呢间唔会系首选!**题外话: 侍应收野既速度非常快，搞到又要开多两对筷子黎食小食，真系唔好意思啦!