回到味來 (已結業)

我其实之前都已经食过一次回到味来，但最近见到佢同某个app合作，系果度订枱有折，所以又再次光顾喇。黎到发觉个menu同之前既完全唔同左，多左鸡煲呢个选择，唔算系太食得辣既我就拣左小恶魔。如果食得辣，拣中恶魔或以上仲有折扣，感觉几吸引，可惜我食唔到。鸡煲黎到后等2分钟左右就可以搅下佢，会有人帮你搅，唔洗自己动手。佢仲用个盖黎挡住d烟，咁你就唔怕比d烟攻到，非常贴心。就咁睇个鸡煲用左最少3款辣椒，难怪会咁辣，而且就咁闻都闻到辣椒既香气。鸡肉外面有少少焦焦地，够晒香。鸡肉里面嫩滑，而且索晒d辣味，其实好正，不过对我黎讲真系太辣。洋葱够淋够甜，又索晒d汁，正。谂住食完个鸡煲加汤个汤底会变到无咁晒，但d辣椒实在太劲，逼不得已要拎走d辣椒。块鲜腐竹好滑，但一浸落去就索晒d辣味，哈哈。食完即刻叫左搾竹蔗茅根，非常解渴又解辣。手打墨鱼滑好新鲜好滑；莲藕片系薄切，吸到d汁得黎又够爽脆。睇相都知d豚肉片靓，豚肉片切到好似牛肉咁薄，基本上渌一阵就食得。d蚬煮完开晒壳都仲有海水味就知道系新鲜啦，肉质又够饱满。另外，食食下唔够汤既时候，佢地见我地觉得太辣有问我地洗唔洗成锅转做鸡汤，最后我觉得唔好意思，所以无转到