蓬萊咖哩屋

营业中

休息中

上年圣诞食完后念念不忘，一直都好想再嚟食。趁住今日冬至，一于食晚餐做个冬。照旧都系叫咗个二人餐（$318，另收加一，但上年攞咗张VIP卡，有85折，埋单$303）前菜，二片脆脆薄饼，微辣香口，青色酱清爽，腌洋葱腌红萝卜开胃。餐汤/咖喱角，要哂咖哩角，外层松化，入面咖哩薯蓉惹味。清炒时菜，食到不少香料味，但今次油咗啲啲。咖哩鸡/牛/羊，拣咗羊肉（小辣），咖哩辣甜酸，多重层次；羊肉炆得好腍，冇乜羊骚味。蒜蓉烧饼，即烤，热辣辣，蒜蓉味唔重，用嚟点咖哩一齐食冇得输。印度黄饭，长条米粒，干身，又系啱哂捞咖哩一齐食。串烤五香鸡件，铁板上，劲惹味，腌制酱汁少少辣，鸡件烤得超好，表面稍稍焦香，里面鸡肉嫩滑而且仲有肉汁，另外垫底嘅洋葱丝、椰菜丝、红萝卜丝，吸哂味。正。餐饮，嘉士伯啤酒，爽爆。