斗滾 (銀座38) (已搬遷) 新店位置

事隔大半年，朋友们终于夹到时间，再去帮衬。一个价，$268，另收加一，只收现金。鸡煲，食咗两煲，惹味，最好系鸡件并不是鸡脾肉。蒸海鲜，有六款（圣子、鲍鱼、海虾、龙趸、带子、花甲），样样都新鲜，但有少少蒸过火。炖汤，清得嚟又够味，乌鸡健康又唔肥腻。打边炉，主要都系食手切牛颈脊同黑豚肉。甜品，椰汁雪燕，味道正常。质素唔差（但整体感觉对上一次好食啲），收费合理，最重要系冇限时（5点食到9点），慢慢食，吹吓水，开开心心咁又一餐。