一意點心燉湯專門店

营业中

休息中

西洋菜陈肾陈皮蜜枣炖肉排（$68）跟白饭，而个白饭并不是一碗，系一个砂锅，饭蒸得好好，干身唔过湿、唔烂、软。炖汤系用正常紫砂炖盅，入面起码有一半系汤料，西洋菜尤其多，淋但唔烂，仍有菜味，汤清甜，不错。镇江骨（$88）同样跟一砂锅嘅白饭。镇江骨有五旧，酸酸甜甜，味道比坊间清淡（似屋企feel），有两旧骨嘅肉偏瘦。烧卖（$30）之前食过记得唔错，的确无记错，大粒，肉质实但有咬口，猪肉唔肥，食得出系自家制。鲜竹卷（$26）好似好耐无食，于是叫嚟食吓。腐皮比坊间好似卷多层，厚身少少，入面猪肉唔肥，同烧卖近似，另外食到少有嘅芋粒。凤爪（$26）有六只，味道正常，大量豆卜垫底，索哂啲味。茶钱（$5@）绝对抵俾，杞子红枣圆肉，消热明目，足足饮咗四杯。