桂花小幸 (將軍澳廣場)

营业中

休息中

好耐无食台湾嘢，脑内即时涌现出”桂花小幸”这四个字于是即刻到将军澳广场去揾食。星期六下午2:30到，等左5分钟可以入座，刚好有食客食完，可以坐到卡位，真幸运1. 椒盐花枝丸3粒($28) ，花枝丸既即叫即炸，热辣辣上枱，外皮脆口，内里弹牙2. 煎饺子4只($32) ，一咬落去爆汁，小心烫亲口，内里好足料，诚意推介3. 盐酥鸡扒卤肉饭($64) 追加凉伴黑醋茄子($16)。炸鸡扒充满台湾味道，外皮炸得香脆，内里鸡肉Juicy。卤肉饭碎肉超多，卤肉汁十分惹味。黑醋茄子每次必点菜式，味道酸酸地，食完十分开胃。4. 腱心牛肉面(养生汤)($72)。汤底超甜，牛肉入口即溶，份量亦多，唔使去台湾都食到咁高水准嘅牛肉面真系难得5. 左: 芝士奶盖桂花乌龙茶($27)，右:柚子QQ山茶花($21)。两杯饮品都十分满意。整体来讲，餐厅环境舒适，食物价钱优惠，食物水准亦高，以平价嘅价钱，喺香港都可以食出台湾嘅味道，相信只可以喺”桂花小幸”先可以揾到。