Felicita 1929 (已結業)

真系唔系咁多间餐厅会再出团购而我地又再买，呢一间都算是数一数二以团购质素来讲绝不马虎！一开始先上两杯白酒， 虽然狼仔唔系好喜欢饮酒，开餐前饮少少却几开胃。沙律总共有两款， 分别是Chick Caesar 同Smoked Duck Salad。两款沙律无论味道同分量都刚好。要鸡蛋里挑骨头系个汤，虽然是几Creamy, 但是磨菇汤作材料就不是人人都可以接受，磨菇味道太出，狼仔都系喜欢饮番白汤或豆汤。最正当然系个牛排，五成熟，煎得刚好， 略渗少少血汁，但仍保持著牛本身即鲜味。第二次食都依然觉得系食过咁多间餐厅之中数一数二牛排煎得坚好食的一间！个三文鱼都唔输，也是煎得刚好。 本身个三文鱼都好新鲜，在加上处理既时候，煎得内脆外软， 十分香口！甜品是Gelato雪糕，应该是自制的，因内里包含了朱古力脆脆，开心果杏仁, 真系好有心！最后，我地都同样叫左热奶茶，味道同卖相都好细心，并不是一般茶包冲制，却散发出淡淡英式红茶的芬香！