MangoChaCha (已結業)

刚刚帮衬完帕莎，埋尾无样甜品叫得落手，但同行友人谈兴正浓，谂起呢间经常同我有缘无份嘅台湾甜品店，顺便嚟试吓。        开宗明义主打杧果甜品，标榜选用台湾爱文杧果，门外电视NON STOP播放店方喺台湾电视节目点点滴滴，摆明车马洗脑。等入座𠮶15分钟，电视不停播出老板两公婆HARD SELL产品，仲劲过海X堂个胡须仔😒        装修走简约新潮路线，亦有搞笑挂画。夜晚11点都仲系全场爆满，要等大约15分钟先有位。一坐低侍应叫我哋喺FB加LIKE,即送3杯鲜打杧果汁，杯杧果汁酸唔酸甜唔甜，心谂送嘅嘢唔好要求咁高，期望真金白银帮衬嘅甜品会正常番啲。今次就叫咗推介嘅杧果汤丸同爱文流心。杧果汤丸$38用蕃薯搓皮嘅杧果饀汤丸配桂花糖水底，外皮烟韧糖水清甜，反而杧果极酸而少杧味，我觉得深井F记同西贡M记甚至许留S嘅杧果都出色过呢度😩爱文流心$68即系杧果饀心太软配开心果雪糕。蛋糕松软，杧果流心够热，但核心问题系杧果酸而无香味，令成份甜品失去意义😔连碟上𠮶两粒杧果都系唔争气，只好讲一句，我唔识欣赏爱文杧果，而我，同MANGO CHA CHA，由于误会而帮衬，因了解而无下次。