爆丼屋 (已搬遷) 新店位置

同事放工话发现megabox都食到爆丼屋，叫我一齐去食。记得以前旺角新开时，排队排好耐，食过一次觉得都唔错。今次去到megabox店，店舖设计好chill，有绿色植物，每台间隔非常有空间感，即刻觉得心旷神怡，仲要系无排长龙！终于可以好好咁叹新鲜鱼生饭！门口已经见到「制霸！鹅肝海鲜盛丼」嘅大poster，即刻心心眼😍，充满我最爱嘅大粒帆立贝！！仲系会火炙添，加上有火炙过嘅鹅肝肯定香到爆！当碗饭上到台，火炙鹅肝香味扑鼻，帆立贝非常清甜，每啖饭都充满幸福感！一开始我怕鹅肝会太膻，但呢块鹅肝完全无，配埋火炙带起嘅甘香，味道啱啱好，钟意鹅肝嘅人一定要试呢个新鲜配搭！同事叫左个拖罗海胆盛丼，一上台，我都哗哗声，每件拖罗非常肥美，试左一块，真系好软，充满鱼香味，我同事食得好满足！呢间分店令我爱上返爆丼屋，炎炎夏日，我一定会黎多d呢间店，食多d充满幸福感嘅鱼生饭！！☺️☺️