韓宮 (已結業)

今日嚟到黄埔去返之前喺呢度食过嘅一间由韩国人主理嘅韩式烧烤，餐厅位置就系黄埔站A出口隔离，行一方钟倒就到，好方便。今次我哋韩烧叫咗set C，主要有牛肋骨、牛五花、五花腩同埋猪颈肉，肉嘅份量都好多，仲有其他配菜，例如雪耳、泡菜、芝士。每次见到店员端上一大盘咁丰富嘅食物比我地韩烧都觉得好打卡able，咁多样嘢入面我自己最钟意就系牛肋骨，牛味浓郁，口感软熟。另外都好推介将五花腩同埋芝士一齐烧，五花腩烧到表面焦脆，同时芝士烧到拉丝状，入口就可以同时试到猪肉嘅油脂香同芝士嘅咸香。上次觉得佢嘅酱油蟹唔错，所以今次我哋都encore。今次仲多左酱油虾，虾肉一样腌到好入味，虾肉结实弹牙有咬口又鲜甜。酱油蟹肥美爆膏，蟹膏鲜甜口感绵滑，将蟹膏同腌到入晒味嘅蟹肉捞埋紫菜饭，再配上豉油同生蛋黄捞匀一齐食，非常开胃。最尾我哋仲叫咗个小食芝士紫菜蛋卷，蛋味香浓，将蛋卷点埋茄汁一齐食，味道酸酸甜甜几开胃。最估唔到就系，老板娘居然认得我同我朋友，好热情咁招待我哋，非常好客，每次黎呢到都感受到佢满满嘅诚意。