真秘鍋 (已結業)

约埋朋友想打边炉，约咗喺尖沙咀，谂起之前食过真秘锅，打电话去订位话虽然我哋人少少，但我哋想点两个锅，经理即刻安排圆枱俾我哋。秘制麻辣锅拼椰子鸡汤麻辣锅系台式麻辣，所以辣得来唔会呛喉，我哋点钟辣够晒，入面嘅鸭血系我哋至爱。至于椰子鸡，侍应想汤底时，喺我哋面前倒下即开椰青，成个汤底都系用椰青水冇加水，非常清甜。花胶鸡汤拼鲜菌汤花胶鸡汤之前食过，水准保持到拼个菌汤清清地用嚟渌菜。手切鲜牛肉，颜色够新鲜，牛肉味几重。黑毛猪片爽脆，好快俾我哋KO一碟。牛柏叶处理得唔错，录完唔银，丸饺拼盘自家制，例牌饱肚必点。今次再返去服务都唔错，加汤及时，只系后半段侍应有时太忙要叫佢，其余时间都会主动问使唔使加汤。质素稳定，行开尖沙咀想打边炉下次都可以再食。