蘇媽.蘇媽馬來西亞茶餐室

营业中

休息中

辣死你吗配仁当牛肉🍚椰浆饭应该加咗班兰所以变成靓靓绿色，仁当牛肉同咖哩牛腩相似，牛腩牛筋都煮得腍，本身较重香料味唔算太辣，配埋甜甜地嘅椰酱饭中和辣度，朋友唔算食得辣但系都觉得可以接受，周围有参巴酱、青瓜、花生、干鱼仔、虾片等配料，颇为丰富!猪脚弯肉骨茶🥣猪脚弯肉有约6件，切得厚身，猪皮弹牙，肉骨茶药材味比多数餐厅重，入口甘香最钟意系可以添汤，如过食餐牌上大份啲𠮶4款肉骨茶就会有埋金菇、豆卜等，依个细份嘅就净系有肉~椰香咖央多士🥪每次嚟到都必点，从来冇令人失望，咖央牛油比例啱啱好，椰香味浓甜度适中，多士烤得非常香脆，依度将块多士一开四，食落都方便👍美绿恐龙🍹