校長燒肉日韓料理 (已搬遷) 新店位置

已经成年冇食校长烧肉，今次就约埋男朋友&佢屋企人一齐食。呢到依然冇变，员工友善，坐位舒适，全部都系梳化卡位。而通风系统做得非常好，食客唔洗俾浓浓白烟笼罩。骤眼望，食物种类冇减少到，门口位有刺身食，三文鱼、鱼等…酱料区同沙律区并列，有好多特色酱汁，如韩国柚子酱、韩国包饭酱。蔬菜、熟食、糖水一应俱全。炸物非常出色，即使小放一段时间都keep住脆同热辣辣，鱼手指大推！打边炉最重要系个炉，咁烧肉最重要一定系张牛油纸啦！加牛油纸垫住烧冇咁易㶶，可以无限次更换，最难得系侍应唔会黑面/唔愿意帮忙。主角当然系烧肉啦！海鲜？有！虾、龙利柳、多春鱼、带子等等，如果龙利柳冇咁咸就更好~小食？有！台湾肠、厨师肠、海鲜沙律丸、日本小蕃薯等等，快熟最岩first round，好快就食得！牛肉猪肉鸡肉？有有有！当中我最钟意牛肋条、猪五花、鸡软骨，腌够味，唔洗点酱都得。同场加映饮品、甜品。种类多到花多眼乱，唔想饮罐装饮品既话，仲有糖水拣啊～甜品都好多款(但我漏左影相)，布丁、啫喱、仲有蛋糕仔。呢个价钱呢个质素，绝对值得encore啊！