影片
更多
2009-08-18
14 浏览
上年差唔多时间到都去过OVOlogue一次﹐系同屋企人去食。果次去最记得既系个环境﹐好有情调﹐而且系由旧档铺改建既﹐觉得好特别﹐加埋一D好中式既家私摆设﹐好钟意果个感觉。至于食既﹐最难忘就系个'杂菌煲'﹐唔记得个全名﹐因为果次系由我爸点野食﹐其余既记得都唔错。今次再去﹐系同事约去既﹐我第一时间报名。我地总共6个人去﹐因为早book位﹐佢地俾佐个有拼风格开既area俾我地﹐private D﹐倾计都倾得开心D。今次去到﹐我既感觉系环境依旧好正呢﹗见到menu唔同佐﹐比上次多佐好多野食﹐不过我心里面净系想食番个'杂菌煲'咋﹗我地6个人﹐叫1个前菜﹐1个汤﹐5个主菜﹐1个炒饭﹐仲有4个甜品。。。唔知会唔会好过份呢﹖哈哈~前菜﹕醉鸡 - 起晒骨﹐岩晒我依D懒人﹐啖啖肉﹐正﹗好有酒﹐但系我对酒有敏感﹐唔敢食太多。汤﹕鹅肝云吞鸡汤(2份) - 个鸡汤底好好味﹐仲有好多云吞同鸡。。。我太肚饿﹐狼吞虎燕﹐食唔到鹅肝。不过同事就食到话觉得好得意。主菜﹕麻婆豆腐 - 够晒辣﹐送饭最好。可惜我唔太食得辣呢﹗黑椒莲藕 - 莲藕好爽﹐叫时唔知道有雀巢﹐我钟意食炸野﹐所以岩晒我。烧汁排骨(唔知系唔系真系咁叫) -
今次再去﹐系同事约去既﹐我第一时间报名。我地总共6个人去﹐因为早book位﹐佢地俾佐个有拼风格开既area俾我地﹐private D﹐倾计都倾得开心D。今次去到﹐我既感觉系环境依旧好正呢﹗见到menu唔同佐﹐比上次多佐好多野食﹐不过我心里面净系想食番个'杂菌煲'咋﹗
我地6个人﹐叫1个前菜﹐1个汤﹐5个主菜﹐1个炒饭﹐仲有4个甜品。。。唔知会唔会好过份呢﹖哈哈~
前菜﹕
醉鸡 - 起晒骨﹐岩晒我依D懒人﹐啖啖肉﹐正﹗好有酒﹐但系我对酒有敏感﹐唔敢食太多。
汤﹕
鹅肝云吞鸡汤(2份) - 个鸡汤底好好味﹐仲有好多云吞同鸡。。。我太肚饿﹐狼吞虎燕﹐食唔到鹅肝。不过同事就食到话觉得好得意。
主菜﹕
麻婆豆腐 - 够晒辣﹐送饭最好。可惜我唔太食得辣呢﹗
黑椒莲藕 - 莲藕好爽﹐叫时唔知道有雀巢﹐我钟意食炸野﹐所以岩晒我。
烧汁排骨(唔知系唔系真系咁叫) - 系火焰架﹗又系有酒既﹐我食佐几旧就唔敢食喇﹗
姜汁炒芥兰 - 好味﹐唔洗多讲﹐因为我最爱食芥兰。
黑松露油烧杂菌(终于知道叫咩喇﹗) - 依然好好食﹐我俾10份﹐满分。
祗月炒饭 - 系海鲜炒饭﹐有一粒粒既蟹子﹐食落觉得好得意。
甜品﹕
杏仁豆腐花 - 我唔识杏仁﹐俾唔到评语﹐不过同事话几好味。
豆沙饼 - 系炸架又﹐仲要系我叫既﹐我当然觉得好好食啦﹗
金箔红豆糕 - 上边有层jelly﹐下边就系椰汁红豆糕。。。我唔识椰汁﹐所以净系食层金箔jelly﹐哈哈﹗(其实我真系好多野都唔食既~)
拔丝苹果 - OK啦﹗如果真系晌我地面前整会仲好呢﹗我之前去过一间上海餐馆系晌我地面前整架﹗
张贴
