影片
更多
2012-06-07
132 浏览
上星期经过尖沙咀, 见到霸王山庄另一间分店, 于是同朋友入去试下.得2个人, 我地冇叫鸭, 拣左面, 小笼包O个D.我去过好多次奥海城商场O个间分店, 个人比较钟意O个度既环境, 不过食物方面, 就大家都咁好食: 小笼包: 呢个同片皮鸭一样, 系必食既, 暂时佢既皮薄多汁, 可以话冇几多间做到.酸辣面: 我朋友食, 佢话唔错, 我觉得足料.黄金四季豆: 用咸蛋黄炒四季弄, 呢个我最LIKE系出面食, 因为屋企煮唔到, 试过好多次都失败. 佢D 蛋香好够, 而且好平均, 唔会一旧旧.拼盆: 食左海蜇同鸡丝粉皮, 略少, 不过好食.桂花小汤丸: 唔系好甜, 我钟意. 因为太甜既甜品好快会想饮水, 但呢个一D都唔会, 仲有D桂花香. 服务员方面都好快手, 我觉得佢人手唔系好够, 不过我地叫左人等一阵就到, 都OK.!! 另外, 食饭时有个游客同我地搭讪, 佢又系2个人, 见我地系香港人, 问我地觉得香港依家仲有冇民主自由? O下!? 真系俾佢地吓亲!
另外, 食饭时有个游客同我地搭讪, 佢又系2个人, 见我地系香港人, 问我地觉得香港依家仲有冇民主自由? O下!? 真系俾佢地吓亲!
张贴
