影片
更多
2013-04-11
278 浏览
12月16日, 湾仔再兴烧味有几正已经毋须再多讲~ 今次想写下令人喜出望外嘅喜喜烧腊, 系再兴以外另一间好味烧腊茶记! 是日出开湾仔会展, 于是亦顺便喺附近揾食, 揾到呢间好评唔算多, 但胜在有个十分吸引人嘅乳猪三宝饭食, 结果喺无乜期望下反而觉得仲有惊喜!::: 乳猪三宝饭 + 冻奶茶 ::: $48 + $2乳猪三宝饭顾名思义就一定有乳猪做主打~ 而另外嘅孖宝就可以任你选拼, 我就拣咗叉烧同油鸡! 估唔到呢个三拼饭每份烧味份量都唔少, 样样比足五、六件~ 乳猪皮都几脆, 猪肉亦够嫩, 美中不足系肥膏厚咗d~ 叉烧反而就瘦底, 不过好在咬落又无话太硬太韧. 油鸡比咗背位, 豉油味够肉亦唔太韧, 同乳猪一样衰在个皮太肥唧! 第一次嚟食乜都唔识就咁由伙记落单, 事后望到隔离枱个乳猪又可以要瘦d, 烧鹅仲有得拣要髀位! 下次真系要再醒d!冻奶茶望落好似奶多到离晒谱咁, 其实只系未搅匀… 搅匀后色水同普通奶茶其实一样~ 不过呢杯奶茶奶味浓d, 但浓得嚟又唔会盖过d茶味, 两者比例得宜, 其实好好饮!::: 腊味饭 + 冻柠茶 ::: $36 + $8秋冬时间最好就系食腊味, 呢个腊味饭有齐腊
::: 乳猪三宝饭 + 冻奶茶 ::: $48 + $2
乳猪三宝饭顾名思义就一定有乳猪做主打~ 而另外嘅孖宝就可以任你选拼, 我就拣咗叉烧同油鸡! 估唔到呢个三拼饭每份烧味份量都唔少, 样样比足五、六件~ 乳猪皮都几脆, 猪肉亦够嫩, 美中不足系肥膏厚咗d~ 叉烧反而就瘦底, 不过好在咬落又无话太硬太韧. 油鸡比咗背位, 豉油味够肉亦唔太韧, 同乳猪一样衰在个皮太肥唧! 第一次嚟食乜都唔识就咁由伙记落单, 事后望到隔离枱个乳猪又可以要瘦d, 烧鹅仲有得拣要髀位! 下次真系要再醒d!
冻奶茶望落好似奶多到离晒谱咁, 其实只系未搅匀… 搅匀后色水同普通奶茶其实一样~ 不过呢杯奶茶奶味浓d, 但浓得嚟又唔会盖过d茶味, 两者比例得宜, 其实好好饮!
::: 腊味饭 + 冻柠茶 ::: $36 + $8秋冬时间最好就系食腊味, 呢个腊味饭有齐腊肠润肠腊肉, 几足料~ 腊肠润肠油润得嚟唔会太肥腻, 冇咬口之余亦都唔会好韧~ 腊肉份量真系好多, 不过肉质过韧, 要咬好耐, 牙都软… 另外想赞下佢豉油冇特别要求都俾几多, 仲有条菜, 有良心~
冻柠茶一贯货仔, 都有好几片柠檬, 几新鲜, 茶味浓, 比较甜, 唔想咁甜要少甜先得~
今次我同呀比都觉得我地食到间几唔错嘅烧味饭! 老实讲论烧味质素佢同再兴未必有得比, 但乳猪饭本身已经少见, 佢仲可以比你咁随意拼嚟拼去, 其他烧味腊味饭配搭又多~ 野饮仲要冲得唔马虎~ 真系几唔错了!
张贴
