影片
更多
2012-04-25
117 浏览
呢次系我第二次写『大利』...亦系最后一次写及帮衬佢！因为两年前第一次写 (天后店) 已劲闹其实我唔知大利喺呢度有分店，咁啱今日下午陪太太喺附近睇牙，喺唔知食咩嘢之下，见好耐无食，咪再畀次机会佢啰入到店内好新净下，应该开咗唔耐啩，面积约成千尺好大下，几宽敞。又好宁静，因为全店连小弟就只有两个客，哈哈，心知不妙小弟叫咗呢碗坑腩米。当「呢碗嘢」放喺我面前时，我已经好想换碗云吞面...先饮啖汤，好呀，名符其实嘅清汤，清到呢...完全饮唔到有牛肉味，连喊味都系得啲啲咋阴功...绝无吹水夹件望见已唔多精神嘅牛腩放入口...唔唔...有啲啲牛味嘞...唔唔唔唔...点解好似食紧『牛肉味香口胶』呢...唔唔唔...点解咬极都咬唔开嘅...哗！咩嘢嚟？真系畀人食？几特别吖，第二度都食唔到呢味嘢呀各位，幅相右上角𠮶旧就系小弟咬咗好耐都咬唔开，仲原形返出嚟影相，你话神唔神奇呢哈哈成$30蚊碗添，不如去池记、麦奀、何洪记好过我都唔想多讲，拜拜啦『大利清汤腩』，人无你有！你系得嘅
其实我唔知大利喺呢度有分店，咁啱今日下午陪太太喺附近睇牙，喺唔知食咩嘢之下，见好耐无食，咪再畀次机会佢啰
入到店内好新净下，应该开咗唔耐啩，面积约成千尺好大下，几宽敞。又好宁静，因为全店连小弟就只有两个客，哈哈，心知不妙
小弟叫咗呢碗坑腩米。当「呢碗嘢」放喺我面前时，我已经好想换碗云吞面...
先饮啖汤，好呀，名符其实嘅清汤，清到呢...完全饮唔到有牛肉味，连喊味都系得啲啲咋阴功...绝无吹水
夹件望见已唔多精神嘅牛腩放入口...唔唔...有啲啲牛味嘞...唔唔唔唔...点解好似食紧『牛肉味香口胶』呢...唔唔唔...点解咬极都咬唔开嘅...哗！咩嘢嚟？真系畀人食？几特别吖，第二度都食唔到呢味嘢呀
各位，幅相右上角𠮶旧就系小弟咬咗好耐都咬唔开，仲原形返出嚟影相，你话神唔神奇呢哈哈
成$30蚊碗添，不如去池记、麦奀、何洪记好过
我都唔想多讲，拜拜啦『大利清汤腩』，人无你有！你系得嘅
张贴
