影片
更多
2010-09-30
103 浏览
仍记得师傅早一阵子黎过呢间食店试过碗仔翅同鱼蛋等, 仲讲过一定要黎试埋车仔面先可以正式判断呢间食店得唔得; 终于事隔大约十天后师傅再次光临呢间食店, 目的就系要试下呢间食店嘅车仔面系咪咁出名! 入到食店人都唔少, 而店内较入嘅位置有位, 于是师傅就行入去坐底; 一坐底当然系立即柯打野食啦, 加上师傅丧肚饿, 于是实行丧叫丧食; 而面底师傅就拣左幼面, 仲要左两个混, 而于𩠌就有牛肚, 猪红, 猪皮, 猪肠, 辣鱼蛋同埋萝卜, 再加上腩汁同辣汁, 实行有杀错冇放过; 六𩠌两面份量嘅车仔面绝对唔少野呀, 幸好堂食有豆浆送, 所以饮品呢个位可以悭番少少!落完单都要等一阵, 大约五分钟啦, 用食车仔面嘅角度黎讲算系慢架喇, 不过师傅喺度谂可能系慢工出细货呢! 当碗车仔面放喺师傅面前时, 师傅发觉真系好大碗, 绝对有可能食唔晒, 不过点都好, 第一时间点都要试下个汤底, 话晒汤底都系成碗车仔面嘅灵魂, 点知入口发觉汤底淡淡的, 就算饮多几啖都唔觉有味, 完全带唔起食欲, 十分之不讨好, 喺𠮶一刻师傅就知道出事了! 出左事都要食埋落去啦, 鬼叫柯打左咁多咩! 先试猪红, 猪红一夹落去唔会即刻碎,
入到食店人都唔少, 而店内较入嘅位置有位, 于是师傅就行入去坐底; 一坐底当然系立即柯打野食啦, 加上师傅丧肚饿, 于是实行丧叫丧食; 而面底师傅就拣左幼面, 仲要左两个混, 而于𩠌就有牛肚, 猪红, 猪皮, 猪肠, 辣鱼蛋同埋萝卜, 再加上腩汁同辣汁, 实行有杀错冇放过; 六𩠌两面份量嘅车仔面绝对唔少野呀, 幸好堂食有豆浆送, 所以饮品呢个位可以悭番少少!
落完单都要等一阵, 大约五分钟啦, 用食车仔面嘅角度黎讲算系慢架喇, 不过师傅喺度谂可能系慢工出细货呢! 当碗车仔面放喺师傅面前时, 师傅发觉真系好大碗, 绝对有可能食唔晒, 不过点都好, 第一时间点都要试下个汤底, 话晒汤底都系成碗车仔面嘅灵魂, 点知入口发觉汤底淡淡的, 就算饮多几啖都唔觉有味, 完全带唔起食欲, 十分之不讨好, 喺𠮶一刻师傅就知道出事了! 出左事都要食埋落去啦, 鬼叫柯打左咁多咩!
先试猪红, 猪红一夹落去唔会即刻碎, 但入口后发觉几实身同唔滑, 口感系有少少烟韧, 但并唔系师傅钟意嘅猪红, 所以算系一般; 至于牛肚都炆得几腍, 够入味, 算唔错㖞; 而猪皮绝对系一大败笔, 皆因猪皮非常腍身, 又唔爽口又冇咬口, 真系令人失望呀; 猪肠就炆得腍, 但腍得黎都仲有少少爽口, 爽口得黎又唔会韧, 所以都收货; 辣鱼蛋就两个字形容 “松散”, 连鱼蛋最基本嘅爽口弹牙都冇, 绝对失望, 唯一可取系够辣, 如果连辣都唔辣咁师傅真系唔知点食喇; 最后系萝卜, 萝卜系用清汤炆, 炆得好腍而且好甜, 不过有少少渣, 加上清汤炆所以冇咩味道, 合格啦! 至于幼面煮得太腍, 唔爽口, 师傅就唔钟意喇; 成碗车仔面令师傅最安慰一定系个辣汁, 如果冇呢个辣汁师傅都唔知点食喇! 至于送𠮶杯豆浆反而有惊喜, 皆因够冻而味道唔甜, 师傅就好欣赏, 究竟系唔使钱所以要求低定系豆浆水准高呢?
总括黎讲食物质素普通过普通, 唔觉得有几传统, 而服务都几有礼, 环境一般, 价钱都唔算平, 款款𩠌都唔同价钱, 猪红, 辣鱼蛋同萝卜就四蚊一份, 猪皮就五蚊, 牛肚六蚊, 猪肠最贵卖七蚊一份, 幼面就三蚊一个, 埋单三十六蚊未见得抵食! 坦白讲三十六蚊一碗车仔面绝对接受到, 但大前提系要好味, 而呢间食店嘅水准真系令人失望; 最后师傅系冇办法食晒成碗车仔面, 唔系太饱, 系因为唔好味; 所以喊脸系要一比, 同埋好肯定一定冇下次!
张贴
