影片
更多
2019-02-07
954 浏览
每年都会去几次Greyhound Cafe度同朋友一齐饮饮食食，倾下计，聚下旧。今次我地又去咗九龙塘𠮶间食dinner。𠮶menu好似唔同咗，因为有D以前食过，觉得好食嘅dish竟然揾唔返。今次我地叫咗炸蟹饼、带子阔条面、炸鸡、蟹肉春卷、菠萝炒饭、同埋冻咖啡。冻咖啡好香，一如以往嘅好味，所以每次都会饮。 菠萝炒饭: 喺menu度幅图好吸引，但系嚟到之后，觉得好削，有少量海鲜、腰果、然后有4片菠萝喺上面，味道普通，完。炸鸡: 真系炸得好劲，鸡肉唔juicy，味道唔出众，除咗觉得好热气之外，再无其他形容词，又完。炸蟹饼: 次次都会叫，因为一向都觉得几好食，但今次觉得偷工减料咗，块嘢薄咗，粟米少咗，口感差咗，讲完。蟹肉春卷: 食唔到蟹肉/蟹味，普普通通，又讲完。带子阔条面: 系全晚最好食嘅，保持到水准，酱汁够多够浓，好味。总结: 水准大不如前，而且有D本来好好味嘅小食例如炸三文鱼、牛柳粒……亦无咗，应该有排都唔会再帮衬。
今次我地又去咗九龙塘𠮶间食dinner。𠮶menu好似唔同咗，因为有D以前食过，觉得好食嘅dish竟然揾唔返。
今次我地叫咗炸蟹饼、带子阔条面、炸鸡、蟹肉春卷、菠萝炒饭、同埋冻咖啡。
冻咖啡好香，一如以往嘅好味，所以每次都会饮。
菠萝炒饭: 喺menu度幅图好吸引，但系嚟到之后，觉得好削，有少量海鲜、腰果、然后有4片菠萝喺上面，味道普通，完。
炸鸡: 真系炸得好劲，鸡肉唔juicy，味道唔出众，除咗觉得好热气之外，再无其他形容词，又完。
炸蟹饼: 次次都会叫，因为一向都觉得几好食，但今次觉得偷工减料咗，块嘢薄咗，粟米少咗，口感差咗，讲完。
蟹肉春卷: 食唔到蟹肉/蟹味，普普通通，又讲完。
带子阔条面: 系全晚最好食嘅，保持到水准，酱汁够多够浓，好味。
总结: 水准大不如前，而且有D本来好好味嘅小食例如炸三文鱼、牛柳粒……亦无咗，应该有排都唔会再帮衬。
张贴
