京林屋 (已搬遷) 新店位置

京林屋一开嘅时候同朋友黎食过，事隔几个月，好似多左一d新口味，抹茶控又想黎朝圣！食品款式选择多，除左抹茶，呢度仲有焙茶口味食品。食甜品之前，先食一个主食。主食有冷抹茶荞麦面、同热抹茶荞麦汤面雨款，喜欢食冷面嘅我今次选择左冷抹茶荞麦面($78) 。冷抹茶荞麦面感觉几清新，面本身有淡淡嘅抹茶味，面质几弹牙，配上酱油、wasabi、萝卜渍、萝卜蓉、香菇等配料一齐食，食甜品前打打底都不错啊！甜品方面，今次食左三款。抹茶卷蛋($88) 每日新鲜由日本运到香港，而且每日限量发售10条。抹茶蛋糕有淡淡抹茶味，蛋糕颇松软，中间包住一层薄薄嘅红豆同埋抹茶忌廉，忌廉软滑，奶油味香浓，配上奶味较重嘅抹茶雪糕、白玉、同红豆，食得滋味。抹茶芝士蛋糕 ($88) 质感扎实，芝士颇浓郁滋味，但同时略略盖过抹茶味。抹茶雪糕软滑但奶味较重，烟韧嘅白玉同红豆蓉都算不错的。焙茶啫喱雪糕 ($58) 觉得呢度嘅焙茶雪糕比抹茶雪糕出色，两款雪糕都系奶味较重，但系焙雪糕相对茶味较出，，带点点甘香苦味，不过质地几creamy，啫喱同样带点点茶香。总括黎讲，呢度选择多，味道都唔错，抹茶控一定会拣到合心意嘅甜品！