Outdark (H8)

营业中

休息中

香港有唔少韩国菜选择，但中伏机率都几大㗎 ，变相食嚟食去都系𠮶几间。Outdark我之前都食过几次，每一次都系食尖沙咀分店 。连店员都系韩国人，店员同店员之间都系讲韩文，成个感觉特别道地 。今次嚟觉得最大嘅分别就系以前大排长龙要等lift上楼，但而家直入 🥲 。装修同之前都一样，黑孖孖嘅感觉，播住啲韩文歌几有feel 。黎呢度一定要食炸鸡，今次拣咗一半甜辣炸鸡一半香蒜蜜糖炸鸡 。呢度最特别系会配咗啲薯角等等嘅炸物 ，炸得好香脆，次次都食到好饱 都忍唔任食埋啲薯角 。以前有几款酱汁可以俾你点，而家就要by request但可惜都系遇唔返好好食嘅香蒜酱 。发现多咗限定嘅水冷面拣，以前唔识欣赏，早排去完韩国之后真系好钟意食水冷面 。冰冰凉凉，配住一啲油腻嘅嘢食真系好夹。呢度除咗水冷面之外仲可以拣个配菜，我哋就拣咗甜甜地嘅烧牛肉。第一次叫海鲜葱煎饼，虽然比较油腻，但非常香口惹味 ，配埋个酸酸地嘅酱汁，值得encore。之前同朋友黎系叫马格利酒，今次唔饮酒就拣咗士多啤梨乳酪，唔会太甜，中规中矩 。