影片
更多
2023-04-25
49 浏览
《元朗再次重访人气元祖omakase》୨୧┈┈┈┈┈┈┈┈┈┈┈┈┈┈┈┈┈┈┈┈ ୨୧依间次次都full booking嘅元祖级omakase《寿司之神》，今次终于留到位。坐位唔算多，想食嘅就一定要提早预约。Lunch set总共有3个级数，我就拣左特上お任せ膳 $780前菜首先前菜有和风沙律、水云醋物同埋白饭鱼茶碗蒸。水云醋物非常爽口，而茶碗蒸蛋身又好幼滑，入面仲有蟹柳和香菇，白饭鱼又腍身充满鲜味。刺身4品小长井真蚝小长井蚝身饱满又大只，有微微金属味，加入金箔同埋酸汁啫喱，仲有紫苏花做点缀，蚝身非常多汁。新鲜赤贝赤贝非常爽口，加入左七色芝麻做装饰，非常鲜甜。鲷鱼白子加入左酱油再经过火炙，白子表面会有微微焦香。加入四季红会带出少少辣味，白子有忌廉同埋奶油嘅口感。樱花木鲣鱼用左冷烟熏嘅技巧去将樱花木嘅木味渗透入鲣鱼入面，估唔到木味咁浓厚，又有少少酸味同蒜蓉味。和食汁煮吞拿鱼饺食嘅时候先分离出鱼肉部分，鱼肉又软腍又有酱油嘅甜味。寿司北海道带子第一啖食到微微柚子皮香，同埋岩盐嘅咸味，带子味道鲜甜又弹牙。金线鲷日本嘅红衫鱼,金色嘅线好抢眼。味道清淡又商讨方法酱油渍赤身用酱油腌制过嘅赤身会比较
୨୧┈┈┈┈┈┈┈┈┈┈┈┈┈┈┈┈┈┈┈┈ ୨୧
依间次次都full booking嘅元祖级omakase《寿司之神》，今次终于留到位。坐位唔算多，想食嘅就一定要提早预约。
Lunch set总共有3个级数，我就拣左特上お任せ膳 $780
前菜
首先前菜有和风沙律、水云醋物同埋白饭鱼茶碗蒸。水云醋物非常爽口，而茶碗蒸蛋身又好幼滑，入面仲有蟹柳和香菇，白饭鱼又腍身充满鲜味。
刺身4品
小长井真蚝
小长井蚝身饱满又大只，有微微金属味，加入金箔同埋酸汁啫喱，仲有紫苏花做点缀，蚝身非常多汁。
新鲜赤贝
赤贝非常爽口，加入左七色芝麻做装饰，非常鲜甜。
鲷鱼白子
加入左酱油再经过火炙，白子表面会有微微焦香。加入四季红会带出少少辣味，白子有忌廉同埋奶油嘅口感。
樱花木鲣鱼
用左冷烟熏嘅技巧去将樱花木嘅木味渗透入鲣鱼入面，估唔到木味咁浓厚，又有少少酸味同蒜蓉味。
和食
汁煮吞拿鱼饺
食嘅时候先分离出鱼肉部分，鱼肉又软腍又有酱油嘅甜味。
寿司
北海道带子
第一啖食到微微柚子皮香，同埋岩盐嘅咸味，带子味道鲜甜又弹牙。
金线鲷
日本嘅红衫鱼,金色嘅线好抢眼。味道清淡又
商讨方法
酱油渍赤身
用酱油腌制过嘅赤身会比较软身，带有微微酸味又更加鲜甜。
中拖罗
入口即溶又有浓厚嘅鱼鮨香，另外法国鱼子酱又带出海水味，可以中和一下拖罗嘅味道。
北海道银雪鱼
经过火炙迫哂啲鱼鮨出嚟，口感亦都比较滑身，入口软腍。
霜降大拖罗
油花达到霜降级嘅大拖罗，加入左葱汁和芝麻油系鱼肉下面，葱味会慢慢渗出嚟，甜又入口即溶。
甜虾
甜虾打成虾胶再配上香脆嘅鳕鱼片，另外酱汁用咗虾头虾膏煮成，可以更加带出虾嘅甜味。
右口鱼边
相对上鱼鮨极多嘅右口鱼，最适合用火炙方法，油份多又味浓郁。
海胆杯
北海道根室嘅赤海胆，加入左用日本酒腌两日嘅三鱼子籽，赤海胆非常鲜甜，而三鱼子籽充满满满嘅海水味又有酒香。另外师傅介绍仲可以加入之前炙烧嘅右口鱼边汁，食落更加充满油香。
焙茶布甸
布甸好香滑，食之前记得同底下嘅焙茶一齐食，面头嘅红豆蓉有天然嘅甜味，可以减轻焙茶嘅苦涩味，又带出焙茶天然嘅回甘。
人均💰780
如果唔想错过其他好介绍，记得follow我呀😘
多谢大家！！！
∴∵∴ ୨୧ ∴∵∴ ୨୧ ∴∵∴ ୨୧ ∴∵∴୨୧ ∴∵∴ ୨୧ ∴∵∴ ୨୧ ∴∵∴
寿司の神 (元朗)
元朗马田路安宁大厦20-30B七号地舖
∴∵∴ ୨୧ ∴∵∴ ୨୧ ∴∵∴ ୨୧ ∴∵∴୨୧ ∴∵∴ ୨୧ ∴∵∴ ୨୧ ∴∵∴
张贴
