影片
更多
2024-11-05
2243 浏览
每年都会同妈咪出街食一次大闸蟹宴，前年食过一次夜上海，上一年食咗另一间餐厅。但呢两年来对夜上海嘅蟹粉酿蟹盖念念不忘，今年决定重返夜上海😋前菜拼盘有5款，分别有：鹅肝蟹BB、香葱鸡髀菇、古法烟鸭蛋、青瓜海蜇头及花雕醉鸡当中有几样系招牌前菜，烟熏鸭蛋同鸡髀菇系我嘅至爱💖至于蟹宴独有嘅鹅肝蟹BB，我觉得麻麻哋，有阵苦苦甘甘嘅味道，唔系好识欣赏😰汤品系金华火腿陈皮烩花胶，好多花胶丝，十分足料🍲之后就系重头戏——清蒸大闸蟹🦀 职员介绍系6两公蟹，拎去蒸之前会先攞去位俾客人睇一睇，确保两只蟹系生猛仲识郁。蒸完之后会喺客人面前拆蟹，将内脏拎晒出嚟，唔洗自己郁手，拆完之后会砌返靓靓摆喺面前🤩今次嘅蟹都好多膏，配埋酸酸甜甜嘅蟹醋就更加好食❤️食完蟹就会上其他小菜，蟹粉河虾仁同蟹粉酿蟹盖好好食，捞咗少少XO酱食，仲正😝😝😝甜品系燕窝蛋白杏仁茶，唔系太甜，有淡淡嘅杏仁味，对唔钟意食杏仁茶嘅我嚟讲啱啱好，可以接受🤣蟹宴嚟讲，夜上海唔平，质素都ok，可以之后再帮衬食普通上海菜。Ps 今次坐窗边位，有得睇维港夜景同太空馆嘅南瓜show，成餐饭大大加分⭐️
前菜拼盘有5款，分别有：鹅肝蟹BB、香葱鸡髀菇、古法烟鸭蛋、青瓜海蜇头及花雕醉鸡
当中有几样系招牌前菜，烟熏鸭蛋同鸡髀菇系我嘅至爱💖至于蟹宴独有嘅鹅肝蟹BB，我觉得麻麻哋，有阵苦苦甘甘嘅味道，唔系好识欣赏😰
汤品系金华火腿陈皮烩花胶，好多花胶丝，十分足料🍲
之后就系重头戏——清蒸大闸蟹🦀 职员介绍系6两公蟹，拎去蒸之前会先攞去位俾客人睇一睇，确保两只蟹系生猛仲识郁。蒸完之后会喺客人面前拆蟹，将内脏拎晒出嚟，唔洗自己郁手，拆完之后会砌返靓靓摆喺面前🤩
今次嘅蟹都好多膏，配埋酸酸甜甜嘅蟹醋就更加好食❤️
食完蟹就会上其他小菜，蟹粉河虾仁同蟹粉酿蟹盖好好食，捞咗少少XO酱食，仲正😝😝😝
甜品系燕窝蛋白杏仁茶，唔系太甜，有淡淡嘅杏仁味，对唔钟意食杏仁茶嘅我嚟讲啱啱好，可以接受🤣
蟹宴嚟讲，夜上海唔平，质素都ok，可以之后再帮衬食普通上海菜。
Ps 今次坐窗边位，有得睇维港夜景同太空馆嘅南瓜show，成餐饭大大加分⭐️
张贴
