威記粥品

营业中

休息中

早几日揾食肥华遇伏，累靓妈食咗餐不知所谓嘅上海劣食，内心都有愧，6月8日肥华特登带靓妈到此间，肥华新近发现到，食猪什一流的威记粥品，食番餐靓猪什餐务求将功补过，在红色暴雨告之下此店人客不多，肥华和靓妈可以坐到四人卡座，唔驶挨个啲枱又细，櫈又窄嘅迷你双人卡位，在此店有个咁好环境安坐，食嘢都食得开心啲，先推介靓妈点个胡椒汤猪什米粉，自己就要碗及弟粥，呢两样镇店名物做主食，再加个，粉肠猪红，和一碟炒面拼炒米粉做副食，另加热柠水和冻柠茶各一杯，就系今个赎罪餐嘅食材，论食物每样都无得输，都系上佳之作，唯独是杯涷柠茶就弱鸡咗啲，茶味太淡，过肥华静观靓妈进食此餐表情，佢系食得开心嘅😍👍😍👍😍👍