呼吸星球

营业中

休息中

第一次嚟系庆祝朋友生日，因为有小朋友，所以餐厅专登安排一个空间较大嘅位置俾我哋，无论系服务，餐厅环境定系食物，都值得再嚟。男朋友好钟意食牛，所以专登带佢试吓💕佢点左火炙半熟石垣牛烧肉，我就鹿儿岛A5和牛烧汁牛丼。石垣牛上一次叫过，牛味超级浓，个人嚟讲唔系好食到啲太浓嘅牛味，今次呢个鹿儿岛和牛，我自己就觉得啱啱好😋甜甜地嘅烧汁再配油脂充足嘅牛肉，每啖饭都沾到酱汁，真系好好食！唯一挑剔嘅就系牛肉嘅脂肪比较高，所以啲牛油沉晒喺碗底比较油。饮品我叫左姜汁咖啡，尚算可以不过冇乜姜汁味，但整体都好满意，男朋友食得好滋味，完满！