明輝粉麵茶餐廳

营业中

休息中

今日同朋友食明辉，午餐虽然有好正的牛腩饭，但想试下其他，所以叫咗咕噜肉。真系唔讲得笑，50蚊个餐但却无hea你，碟咕噜肉上枱是热辣辣，𠮶嚿肉的外层重系脆的，酸甜适中好送饭。另外叫咗碗净墨丸同朋友分享。一碗有6粒，重有几条菜。咬一口，不得了，除咗十分弹牙外，重会食到有粒粒墨鱼肉，真系好食到停唔到口！！墨丸属极强烈推介，入明辉必食项目之一。虽然已好饱，但我真系一个太为食的人，重有好多嘢想食。所以暂临走时，叫多三个午餐，留返做晚餐。分别系encore 的牛腩饭, 泰式无骨猪手饭，同海南鸡饭。牛腩上次写咗，唔使再多讲，依然咁好味。猪手饭软滑无骨啖啖肉，重附送半只蛋同几片卤水豆腐，一啲都唔马虎。虽然系茶记，但明辉的海南鸡并不比泰国餐厅差，好嫩滑。另外值得一提系香茅油饭，话就话油饭，佢但却做到一啲都唔油，重有好香的香料味，好好食。明辉，已成为我嘅饭堂。