東歐餐廳

2年前到访过一次，之后一直念念不忘东欧餐厅，一直好想再去。难得正日拎咗一日假，早餐都冇食就黎东欧餐厅食平日限定嘅business lunch🙌🏼今次同男朋友叫左两个set：招牌芝士焗牛脷+香烧猪肋骨。每个set都包左餐汤，是日沙律，主食同餐饮。真系超钟意以红菜头为主嘅乌克兰罗宋汤！唔会有一般红菜汤嘅腥味，好好饮！ 而主菜芝士焗牛脷大大啖牛脷香软好食；另外留意返business lunch嘅香烧猪肋骨系冇专人上菜嘅火烧效果，要火烧记得点正价主菜呀！但即使冇左呢个咗打卡able嘅效果，猪肋骨都系咁软谂入味食到舔舔脷！唔好以为lunch set细份d唔够食，系饱到捧住个肚离开架！最后仲送左两个乌克兰🇺🇦拼色口罩。希望大家尽快结束戴口罩嘅日子，下次再访东欧唔洗坐低除口罩先食得野；更希望乌克兰嘅人民可以唔使再受战争之苦，乱世中大家都要平平安安🙏