影片
更多
2017-08-21
39 浏览
出左黎旺角行街，朋友话想食台湾野就带左佢黎上次食过几正嘅老街，八点多黎到，仲有人等紧位，好彩对方六个人等大枱，我地等细枱下一张就到。好快有位，朋友睇紧餐牌，自己已决定好食乜就望下间餐厅先，上次坐果个位较热同睇唔到啲海报，原来又真系几“老”㖞，同今次个位劲强劲冷气，夏天啱哂。鱼酥皮蛋豆腐（$29）朋友话想试就试吧，一块长方形盒装豆腐，加上皮蛋，木鱼，再加酱汁就完成，简单又好味，滑滑的冻豆腐好正。夜市小香肠（$28）呢个系自己要叫的，台湾香肠真系好好味，甜甜的又脆皮，正。炸豆腐并盐酥鸡（$42）呢个轮到朋友点，佢话要试埋炸豆腐，哈哈，究竟有几钟意食豆腐？外层脆皮，豆腐软滑，加个辣辣地又甜甜地酱汁好好味。不过个盐酥鸡就失望啲了，一旧鸡肉粒，唔咸又唔香口，有待改进。酥炸花枝丸（$26）今次到自己点的，花枝丸弹牙，大大粒，又香又脆，好食。麻酱干伴面（$40）点左咁多小食，自己个主食就朴素啲啦，食个干伴面就够了，好香的麻酱，加上面条烟韧，青爽的青瓜丝，简单又好味。满汉大块牛肉面（$68）食肉兽朋友继续决定啖啖肉，要了个full set牛肉面，哈哈，劲多肉呀，牛展，牛筋牛腩都十分入味，仲有一粒花枝丸
好快有位，朋友睇紧餐牌，自己已决定好食乜就望下间餐厅先，上次坐果个位较热同睇唔到啲海报，原来又真系几“老”㖞，同今次个位劲强劲冷气，夏天啱哂。
鱼酥皮蛋豆腐（$29）朋友话想试就试吧，一块长方形盒装豆腐，加上皮蛋，木鱼，再加酱汁就完成，简单又好味，滑滑的冻豆腐好正。
夜市小香肠（$28）呢个系自己要叫的，台湾香肠真系好好味，甜甜的又脆皮，正。
炸豆腐并盐酥鸡（$42）呢个轮到朋友点，佢话要试埋炸豆腐，哈哈，究竟有几钟意食豆腐？外层脆皮，豆腐软滑，加个辣辣地又甜甜地酱汁好好味。不过个盐酥鸡就失望啲了，一旧鸡肉粒，唔咸又唔香口，有待改进。
酥炸花枝丸（$26）今次到自己点的，花枝丸弹牙，大大粒，又香又脆，好食。
麻酱干伴面（$40）点左咁多小食，自己个主食就朴素啲啦，食个干伴面就够了，好香的麻酱，加上面条烟韧，青爽的青瓜丝，简单又好味。
满汉大块牛肉面（$68）食肉兽朋友继续决定啖啖肉，要了个full set牛肉面，哈哈，劲多肉呀，牛展，牛筋牛腩都十分入味，仲有一粒花枝丸同贡丸，两款都弹牙，朋友梗系食到大满足啦，佢话可以饱到听日都唔使食早餐㖞。
蜂蜜绿茶＆巨蜂QQ绿茶（$12/ea）最后又点少得台式饮品，自己点蜂蜜绿茶，朋友点了巨蜂，两杯都很不错，没有过甜抵赞。
叫得太多好饱呀，本来仲谂住去隔离街食甜品添，留返下次吧。
张贴
