街坊Cafe (已結業)

自从上次同同学嚟过一次呢度叙旧，同屋企人提起，佢哋都好有兴趣，所以今日再嚟。餐厅有大半座位系卡位，坐落都比较阔落，装修都好有特色。餐牌嘅选择都多，难到有选择困难症既我。最后拣左铁板烧美国榖饲肉眼扒配薯蓉order 左五成熟，肉质好鲜嫩，牛肉味好浓。南瓜带子烩意大利饭卖相已经好 colourful, 个饭加左蟹籽，多左层口感，南瓜饭有好浓既南瓜味，好鲜甜，个带子煎得有技巧，可以煎到带子面有焦脆，但入面 d肉一 d都唔老，除左带子之外，仲有蚬喺里面，食落都好鲜甜。抹茶吉士鸡蛋仔伴雪糕鸡蛋仔系即刻整，所以做到外脆内软配咗一个雪糕球同埋有啲爆谷，咁样嘅配搭几特别口感丰富。