辛手村 (已結業)

早几个月食过旺角「辛手村」，麻辣干锅令人一试难忘！今次再访回味，撞正夜晚转成酒吧，又一新体验。两个人唔想烦就拣咗「唔想谂．即刻食」二人餐。先来份串烧，辛手鸡肉软骨棒啖啖肉加少少软骨口感，唔错唔错！蜜糖爆蒜鸡翼烧得好香脆，炭烧帆立贝大大粒好厚肉，川烧牛肉串够惹味！之后到主角—麻辣黑松露味干锅出场，拣咗鸡翼骨、肥肠、肥牛，配搭土豆丝及娃娃菜，相当丰富。麻辣与黑松露完美组合，齿颊留香！最后整返个柚子冰粉解解辣，正！套餐仲包括两杯无酒精饮品，埋单连加一都系五百左右，好抵食！今次食到中途仲转成酒吧ｍode，好有气氛