Give Me 5 (已結業)

Item: Give Me 5
Rating: 4
Author: sophiawong0127

832 食记

味道

环境

服务

卫生

抵食

30559

观塘

$50以下

西式海鲜自助餐酒吧

685

sophiawong0127

等级4

1.4K

之前同草根妹妹嚟过Give Me 5✋🏻食过一次，整体质素几高。所以决定今次带埋草根妈妈嚟食，食过好嘅一定会推介俾屋企人今次平日时间7:45左右到，唔需要等位就有得入座。由于人客唔多，可以坐到景观位Lucky!3个人叫左2个主菜、一个pizza同2个甜品。香辣烧烤酱鸡肉薄饼 ($88 ->$74.8) - Spicy BBQ Chicken PizzaPizza系而家Cafe好兴用嘅酥皮底，上面加左大量洋葱、芝士、鸡肉同辣酱。成个组合根本唔会出错。酥皮底有个好处就系一定够薄同够香口，趁热食其实一定好食!德国烧猪手伴黑椒汁($158 ->$134.3) - German Pork Knuckle with Black Pepper Sauce草根妹妹系到佢一定叫猪手，上次得两姐妹惊食唔晒，今次有3个人终于可以一了左佢心愿。猪手上枱时，餐厅会问需唔需要帮手切𫔰，草根要影相，就自己嚟啦~猪手份量几大，3个人都绝对够分，可惜味道只属一般。猪手皮烧得太干太硬，而且有阵猪气除味，肉质都算柔软，不过整体好一般炸。上次个羊做得好食好多!炸软壳蟹烟肉卡邦尼意大利粉 ($108->

之前同草根妹妹嚟过Give Me 5✋🏻食过一次，整体质素几高。

所以决定今次带埋草根妈妈嚟食，食过好嘅一定会推介俾屋企人

今次平日时间7:45左右到，唔需要等位就有得入座。由于人客唔多，可以坐到景观位

Lucky!

3个人叫左2个主菜、一个pizza同2个甜品。

香辣烧烤酱鸡肉薄饼 ($88 ->$74.8) - Spicy BBQ Chicken Pizza
Pizza系而家Cafe好兴用嘅酥皮底，上面加左大量洋葱、芝士、鸡肉同辣酱。成个组合根本唔会出错。酥皮底有个好处就系一定够薄同够香口，趁热食其实一定好食!

德国烧猪手伴黑椒汁($158 ->$134.3) - German Pork Knuckle with Black Pepper Sauce
草根妹妹系到佢一定叫猪手，上次得两姐妹惊食唔晒，今次有3个人终于可以一了左佢心愿。

猪手上枱时，餐厅会问需唔需要帮手切𫔰，草根要影相，就自己嚟啦~猪手份量几大，3个人都绝对够分，可惜味道只属一般。

猪手皮烧得太干太硬，而且有阵猪气除味，肉质都算柔软，不过整体好一般炸。上次个羊做得好食好多!

炸软壳蟹烟肉卡邦尼意大利粉 ($108-> $91.8) - Deep Fried Soft Shell Crab Carbonara Spaghetti
一个主食拣左肉，另一个就拣番意粉啦！今次到草根妈妈最爱之一----炸软壳蟹

唔知系咪放耐左先食，软壳蟹唔脆，腍左，好失望呢，不过味道又唔差嘅。抛开软壳蟹唔讲，其实个意粉做得唔错，够creamy 又唔会太腻，烟肉唔系死咸够柔软，卡邦尼意粉反而整得几好食。

鲜果拿破仑 ($88->$74.8) - Fresh Fruit Mille-Feuille
甜品环节系每餐必需嘅！拿破仑又系草根妈妈最爱，话左呢餐特登带女皇👸🏻嚟食，紧系要叫d佢中意食嘅野啦！

甜品到嘅时候俾佢吓衬😳，估唔到会咁大份！爱食甜品嘅草根姐姐今次真系开心死😍拿破仑够松脆，每层中间都唧左大量吉士。平日草根两姐妹都好憎食吉士，觉得只系得个甜字，又腻口。不过呢到嘅吉士可能冇咁甜，唔令人反感之余，加埋d酥皮好好食呢👍👍👅

D24榴梿朱古力心太软（$78->$66.3）-D24 Durian Chocolate Fondant
之前嚟食过个抹茶心太软真系惊为天人🤤今次再去一于试个上次未有嘅榴梿味。
本身草根都好中意食榴梿，加上上次食过个抹茶味咁高质🍃，今次带住好高期望去💛。

先讲外表，成个波⚽️咁好搞笑😂旁边仲有一球云呢拿雪糕同生果作点缀。心太软外层腍左d，焗得唔够脆。切开流心程度十足，点知食落榴梿味唔够出，口感较'杰'身，有d黏口😯唔算系伏，以甜味为主，榴梿味太弱失去灵魂🤦🏻‍♀️不过值得一赞雪糕连个玻璃容器一齐雪得够晒冻，影完一大轮相都未溶呢👍

水准同抹茶味差太远，仲以为自己去错餐厅，大家记得去嘅一定要叫抹茶心太软💚💚💚💚榴梿味就可以skip啦~