豊 (已結業)

我谂我已上左瘾🤦🏼‍♀️ 食得饱嘅Omakase，每一碟都系精心之作💕用备长炭「辣」(炙り) 嘅鱼生，𠮶种香，食完真系唔想饮野住，好想𠮶浸炭烧鱼油味留喺我口耐啲！😶𩽾𩾌鱼肝，平时都系一粒粒配少少柚子醋食，冇咁漏，今次系加左啲渍菜粒，再配埋店铺自家制风干脆米饼，𩽾𩾌鱼肝嘅油润软糯+香香脆卜卜嘅米饼，两种截然不同嘅口感冲击，满足！🤗当造原只海胆，师傅教我同爱人，食左自己半只，再交换食半只，因为海胆其实只只都有唔同味道，即管试下，竟然真系好唔同！一只系甜甜嘅重海鲜味，一只系咸咸哋重海水味，但同样食完仍有回甘，神奇！😲萤光鱿鱼毛蟹墨鱼汁饭，同朋友倾紧计，冇留心听师傅介绍，食落似risotto，软硬适中，劲鲜味，三种海鲜味道互相配合亦互相抗衡，好似喺口里面打交咁，我为左劝交，𡁻耐啲再慢慢吞哂佢，完美！🥰