茶米 (德福廣場) (已結業)

2021.12.08 Wednesday lunch呢一个午饭，可以话揾唔到食咩就再试多次⋯⋯唔好意思，呢一类食物真系唔系我俩揾食范围内，无咩嘢啱食之余，加上价钱不算便宜！ 呢一天，再望下餐牌，ok！都叫做拣到。不过，都应该唔会再嚟，再嚟都系为咗杯茶。拣一个餐，再加一个单叫，但好好，主菜都会有一杯饮品，虽然得两款- 白桃乌龙茶 or 冬瓜茶，但免费㖞！加上仲唔细杯添，我哋要一人一种味，万一是但一款唔好味，唔会一次过衰晒🤪餐系要九层塔香辣花甲汤面配盐酥鸡，单叫系露笋烟肉忌廉汁焗鸡皇面。汤面先到，味道正常都ok，少少辣，盐酥鸡都够香但唔热。 而个焗面，都几得意，从来冇食过咁样焗面😅 因为通常都系意粉，味道都系正常ok。 最正系两杯热茶，又大杯又热，又用外卖杯，饮唔切可以拎走饮👍🏼 乌龙茶好味啲，冬瓜茶就似饮糖水，比较甜。