影片
更多
2022-01-12
1603 浏览
好多人都问我晚市好唔好食！由于我只系食左午市，所以我只系今次挑战返佢个晚市！试完午市，唔敢挑战晚市嘅朋友，今次要黎睇下啦！今次试呢个晚市，只系得一个菜单一个价钱，HK$1680。另外加左一个HK$500清酒PAIRING ，第二位有半价。走传统日本正宗厨师发办风格，黎到食OMAKASE就系食当店最新鲜食材。食嘅野无得拣，你想拣第二个价钱都无，所以餐单都无得你拣。晚市内容包括：前菜一份刺身五件时令料理一件寿司八件卷物一件汤一碗甜品一份简单介绍下，鮨三川佢地店家坚持唔玩花巧，走正宗日本Omakase做法，只系以最时令嘅美味带比客人，所以一切都系以速度为主，所有食物都要趁新鲜食，因为佢地一直以来都对最新鲜食材有一份坚持，希望食材以最佳状态送到客人口中，而非视觉享受。开始吧【盐味炸日本银杏】口感好结实，盐味好提鲜，炸过好香口，作为前菜几好食。但前菜就真系得呢一款，如果有个沙律会更开心。同埋佢无左午市个茶碗蒸，如果有我会开心d，因为佢个蒸蛋真系好好味。【北海道厚岸真蚝】调味非常简单，只系用左日本青柠+柚子汁，无太多花巧野，先可以食得出靓蚝本身嘅鲜甜味！好大只，味道好浓郁，口感好爽脆，脑部位置好C
今次试呢个晚市，只系得一个菜单一个价钱，HK$1680。
另外加左一个HK$500清酒PAIRING ，第二位有半价。
走传统日本正宗厨师发办风格，黎到食OMAKASE就系食当店最新鲜食材。
食嘅野无得拣，你想拣第二个价钱都无，所以餐单都无得你拣。
晚市内容包括：
前菜一份
刺身五件
时令料理一件
寿司八件
卷物一件
汤一碗
甜品一份
简单介绍下，鮨三川佢地店家坚持唔玩花巧，走正宗日本Omakase做法，只系以最时令嘅美味带比客人，所以一切都系以速度为主，所有食物都要趁新鲜食，因为佢地一直以来都对最新鲜食材有一份坚持，希望食材以最佳状态送到客人口中，而非视觉享受。
开始吧
【盐味炸日本银杏】
口感好结实，盐味好提鲜，炸过好香口，作为前菜几好食。
但前菜就真系得呢一款，如果有个沙律会更开心。
同埋佢无左午市个茶碗蒸，如果有我会开心d，因为佢个蒸蛋真系好好味。
【北海道厚岸真蚝】
调味非常简单，只系用左日本青柠+柚子汁，无太多花巧野，先可以食得出靓蚝本身嘅鲜甜味！
好大只，味道好浓郁，口感好爽脆，脑部位置好CREAMY，好重奶油感，好漏但好正！
【中拖罗刺身伴紫菜】
以紫菜包裹著中拖罗刺身，中间夹上日本大叶(紫苏叶)、竹碳盐、鲜山葵蓉，由师傅即制席递上即食，非常新鲜脆口，中拖罗味道好浓鱼油甘香，非常之正！
【石垣贝刺身】
日本三陆产的石坦贝，师傅新鲜即拍都仲系弹起，劲新鲜！
几乎无任何调味，只有少少特调酱油，已经食到佢好鲜味，真系好好味，仲好弹牙，简单而高级嘅食材！
【酒渍海胆酱拌牡丹虾刺身】
以绍兴酒捞匀海胆成酱，非常之极度惹味，系我第一次食嘅味觉享受，除左本身海胆嘅鲜甜之外仲多左份酒香。
至于牡丹虾系完全无经过雪藏，直接以冰压住新鲜日本空运直送到香港。
虾身好粗，口感好弹牙，咬落胶质好重好黏口，好好味！不得了！
【炙烧鲣鱼刺身】
鲣鱼外层烧过，中间完全刺身状态，好腍好滑，但味道偏清淡。
由于鲣鱼好淡味，所以搭配上淡路岛洋葱制成酱，淡路岛洋葱系全日本最高级第一位洋葱，一般都系用来制作最高级料理用，所以用佢做成酱真系好香甜可口。
另外表面再撒上浅葱碎，呢个浅葱亦都唔系简单，原来系水种葱苗，无泥味，但葱辛辣香却非常之强，系日本比三星葱及万能葱更昂贵，我查过一棵浅葱原来索价要HK$100！所以真系唔简单！
【肝酱鲍鱼刺身】
宫城县产黑鲍，原来一只系两位用，所以每人份量系半只大鲍鱼。
每只鲍鱼都以味淋、鲍鱼壳、清酒、盐、昆布炖两个小时，不停重用的鲍鱼汁相当浓重嘅鲍鱼鲜香，劲入味好食。
但最精彩系佢个肝酱，简直系神来之笔，以鲍鱼平时最腥的肝脏部份，加入调味做成肝酱，食落完全唔腥之余仲非常之香！味道有少少似蟹膏，咸咸鲜鲜味，好新颖嘅食法！
食完刺身，跟住就到「旬之料理」
【天妇罗白子】
今次我中奖的「旬之料理」就系炸白子。
你知啦食OMAKASE每次每个人食嘅野其实都好唔同，所以好似中奖咁我今次抽中左白子呀！好开心！
我个人超钟意食白子，系日本冬天旅行时成日都会叫黎食，有时仲会去超市买现成白子刺身黎食，我真系大爱白子。
但今次有D唔同，因为师傅将佢制成天妇罗，我一见到有少少失望，点解会将佢整熟左架！
都既然米已成炊，唯有一试。
由于想比观众睇到佢里面长甚么样子，所以要求师傅帮我切开一半影比大家睇。
食落去，炸白子原来不比刺身差，虽然无左刺身果种爽劲同冰凉感，但食落更creamy，好似食紧CREAM CHEESE咁滑溜，好腻好浓重，外层加咗海盐，咸咸地，中间夹左紫苏叶黎炸，多左份香气，口感真系好黏口，如果顶唔顺佢太腻，可以用伴碟嘅青柠唧D汁黎食，更加清新可口呀！
【𫚕鱼寿司】
以𫚕鱼腩制作的第一款寿司，有别于纯寿司的OMAKASE，因为第一件已经十分浓味甘香！
𫚕鱼腩先风干过，浓缩咗油份，油花甘香味美，可以媲美金枪鱼腩，超肥美多油脂，配上当店特制酱油真系不得了，好食到癫！
【富山白虾寿司】
以一大堆细只小虾堆砌而成的寿司，无见识如我，以为佢系一堆未发育虾仔，用黎充当大场面，非也！
原来网上一查，富山白虾大有来头！而且秋冬仲系佢地盛产期！
首先要处理白虾壳已经非常复杂，好细只又易整断，所以系非常花功夫。
而且要空运直送再高速新鲜处理，一间小店要处理多种食材时，处理白虾就真系变得好唔简单！
味道方面比较清淡，有好香嘅鲜虾味，加上以婴儿级紫姜制成姜蓉提鲜，柚子皮提味，真系一道非常好味嘅手工料理！
【秋刀鱼寿司】
以新鲜当造的秋刀鱼做成刺身，真系我嘅最爱！
虽然我唔知呢条秋刀鱼咩来头，点解可以挤身我呢个高级omakase之中，净系知道佢系属于繁殖期游回北海道地区的秋刀鱼，但系佢的确非常肥美，而且好厚肉
秋刀鱼油份好重，有种独特的腥味，但对于我来讲系一种鲜味，我个人极之喜欢，真系好好食，味道好突出，可算是呢个omakase我排第三位最好味的寿司！，好肥美，弹牙，有微微鱼腥，好嫩
【酱油筋子寿司】
筋子即系三文鱼籽，但佢仍然黏附著筋膜所以日本人叫佢做筋子。
就系由于佢仲有筋膜包裹住，所以里面充满劲多三文鱼油，超级香甜。
寿司以紫菜简单盛载，内以柚子皮提味，加上少许当店酱油，食落真系不禁大叫好好食呀！
【赤鯥鱼寿司】
赤鯥鱼以炭火网烧过，并唔会用石油气枪烧烤，非常细致认真，味道亦唔会带有GAS味，反而多左层炭烤香味，相当细心！
赤鯥鱼腩好重油份，烧焦位置略带微苦，以柚子胡椒调味提鲜，加上青柠汁降腻，虽然超多鱼油但又唔会食到油腻感，非常之好味的火炙款寿司！
【子持虾蛄寿司】
以北海道出产的子持虾蛄(带卵的濑尿虾)制成无米饭寿司，师傅表示由于虾蛄带卵，加上米饭反而食唔出佢嘅鲜味。
介绍返，虾蛄酱汁系以虾蛄拆除出来的虾壳，加入调味煮成酱汁，简直系将虾蛄嘅鲜味再浓缩一次奉上。
虾蛄口感好软滑，里面带有虾子，质感较硬，口感似食橡皮糖，味道只属一般，较为平淡。
【香箱蟹寿司】
本晚最矜贵寿司登场，香箱蟹寿司！
香箱蟹
规定每年11月初至翌年1月初才可捕捉，雌性松叶蟹
特点: 鲜甜出众，适产卵季节，蟹子饱满，蟹膏香浓
今次呢件咁奢侈的寿司，以雌性松叶蟹的蟹肉、蟹膏、蟹子合制而成，一丝丝蟹肉，一大堆真蟹籽(坊间成日用飞鱼子扮蟹籽)，一大粒橙色蟹膏，一啖食落去，有软滑、咬口、弹牙三种唔同口感，真系好邪恶好奢侈 哈哈！劲香松叶蟹鲜味，好食到讲唔到野。
【酱油金枪鱼腩寿司】
香港人最爱的拖罗寿司终于登场，基本上OMAKASE铁脚埋尾一定有拖罗同海胆，如果唔出现真系令人太失望啦！
拖罗只系简单用酱油沾过，无特别做法可言，但食落有满满嘅感动！米饭嘅醋味同口感都应记一功，绝对唔系大家食DONKI或者平价寿司店拖罗可以媲美，真系好好味，佢个酱油都好加分，真系有日本食到嘅感动！
【双层海胆军舰寿司】
最爱嘅海胆登场！
以北海道马粪海胆＋盐水赤海瞻合拼而成，堆积如山送上，味道极度鲜甜可口，紫菜、酱油、米饭等等都配合得天衣无缝，好鲜甜美味，海胆嘅浓重香气系我鼻孔度喷返出黎，相当强劲的压迫感！好好味呀！
【花竹虾太卷】
以九洲花足虾做成太卷馅料，相当过份！
一般omakase都会将花竹虾做成主角一样咁制作握寿司，而鮨三川只系将佢做成太卷埋尾！？
太卷加入干瓢、日本白石小青瓜、自家制甜蛋，口感好丰富，花竹虾极度鲜甜弹牙！好味
讲返干瓢，其实系葫芦瓜干，再以自家制酱酒糖渍方式处理，甜甜地，相当好味！
【鲜虾面豉汤】
鲜虾，但汤里面完全无虾，何解？
细问之下，原来师傅系将花竹虾壳拆下，再以烤焗方式烘干，浓缩虾壳素中的香味，然后再放入面豉汤中煮3-4小时，所以呢个面豉汤一打开盖已经闻到浓烈的虾香味，非常唔错！好好味~
最后送上甜品作结尾。
【福冈草莓】
老实讲， 我系有少少呆左嘅。
居然埋尾甜品只系得一粒草莓仲要一开三??????
我老实讲系非常之失望，因为午市甜品系一个红豆雪糕，相当香甜，以为晚市会更加豪华，相反佢只系得一粒草莓。
不过事实上食落真系非常之甜，系我从来无食过咁重香水味嘅草莓，即使我系日本买HK$30一粒的雪兔白草莓都比唔上佢嘅香甜，我唔知佢咩来头，点解可以咁香甜，但我都系想要返杯雪糕。
不如你下次就用呢个草莓做成雪糕比我食啦 我会更开心
最后讲讲佢个清酒PAIRING，其实都真系几特别，佢系顺住咁多款料理黎配合清酒登场次序，而食寿司前后去饮同一杯酒，味道都会有明显唔同，我相信师傅真系用心试过好多次先会有呢种咁特别嘅化学作用，唔错呀！张贴
