源峰 (已結業)

源峰都食过好多次，晚餐午餐都成日会去，今次要再赞嘅系佢嘅热食，今个晚餐完全冇食寿司刺身，只系不停叫咗啲锅物及已煮熟嘅肉食，除咗刺身寿司，要赞多次佢哋嘅热食质素，令我个胃暖笠笠，非常满足。先嚟一个牛舌，佢嘅煮法令我喜出望外，啲配料夹埋一齐食令牛舌嘅味道提升，佢哋煮牛舌同平时我喺其他日本餐厅食开嘅烧牛舌好唔同，个牛舌冇烧至全熟，令整块牛舌更软熟入口，非常好味。呢个系牛扒，块肉都好新鲜。呢个系和牛锅配饭，啲汤差啲俾我哋饮哂，如果唔系叫咗其他嘢食，可以再加多一份嚟食。呢张相点解咁蒙，因为个煲盖一打开就出哂烟，香喷喷，啲吉列猪肉好嫩滑，唔热气。佢个底有滑蛋及香菇，送饭真系一流！叫咗咁多嘢食，两个人共$1,200。