影片
更多
2009-10-25
13 浏览
除非你会黄昏6点半前去食晚饭，如果唔系通常都会等平个钟以上先可以喺呢度食倒饭 ; 加上LAST ORDER 系9点半，成日会觉得食得好赶咁，所以谂番对上一次食都好似系今年年头。今日既然等0既人唔算太多，一于食下啦。呢度定食0既数量都唔少，而且定期都会转下款，所以从选择性黎讲都算唔错。定食平均每个80左右，价钱亦都算相宜，而是日同老婆叫左个凉拌菠菜、吉列猪扒定食同蓝鳍吞拿鱼定食。率先抵埗就系凉拌菠菜 - 其实佢菠菜又唔系真系话好多，不过配以干鱿鱼片以及白饭鱼，呢个配搭食起上黎既新鲜又香口 (因为落左鱿鱼片)，个人认为10蚊一碗仔都算系好抵食。不过，头先个服务员放低个菠菜0既同时，好似冇留意我地系冇食具... ... 主角蓝再遇蓝鳍吞拿鱼终于黎喇 - 随定食附上渍物同埋面豉汤。初头谂住拿拿临食左个渍物同面鼓汤，因为心谂快D食个吞拿鱼饭嘛，但系饮落个汤又觉得佢带有适量0既面鼓味之余，又唔会点咸 (心谂比起最近去𠮶间西湾河拉面舖𠮶个真系蚊比同牛比)。所以我饮左一啖之后就收左油，慢慢品尝个面豉汤先。终于都到主角喇! 吞拿鱼饭配以紫菜、熟旦丝及青瓜丝。印象当中之前食好似冇放咁多配菜，不过都系一个新
呢度定食0既数量都唔少，而且定期都会转下款，所以从选择性黎讲都算唔错。定食平均每个80左右，价钱亦都算相宜，而是日同老婆叫左个凉拌菠菜、吉列猪扒定食同蓝鳍吞拿鱼定食。
率先抵埗就系凉拌菠菜 - 其实佢菠菜又唔系真系话好多，不过配以干鱿鱼片以及白饭鱼，呢个配搭食起上黎既新鲜又香口 (因为落左鱿鱼片)，个人认为10蚊一碗仔都算系好抵食。不过，头先个服务员放低个菠菜0既同时，好似冇留意我地系冇食具... ...
主角蓝再遇蓝鳍吞拿鱼终于黎喇 - 随定食附上渍物同埋面豉汤。初头谂住拿拿临食左个渍物同面鼓汤，因为心谂快D食个吞拿鱼饭嘛，但系饮落个汤又觉得佢带有适量0既面鼓味之余，又唔会点咸 (心谂比起最近去𠮶间西湾河拉面舖𠮶个真系蚊比同牛比)。所以我饮左一啖之后就收左油，慢慢品尝个面豉汤先。
终于都到主角喇! 吞拿鱼饭配以紫菜、熟旦丝及青瓜丝。印象当中之前食好似冇放咁多配菜，不过都系一个新尝试。发现旦丝都算唔错，不过青瓜我个人就觉得一般了，而且配菜数量好似有D多...
至于主角蓝鳍吞拿鱼系有七片，虽然唔系好大片，但感觉仲未话好孤寒 (唔知系咪因为佢唔想放咁多吞拿鱼，所以放咁多配菜...)，可能实在蓝鳍吞拿鱼个成本系会高D 0既 ...咬落去个质感同普通吞拿鱼真系不能相提并论。即使佢个几块只系赤身，比未好似拖罗咁带黎好大0既油脂感，但系较干身0既佢都带出一种新鲜鲜味0既感觉。
另外一赞系虽然客人较多，但系上菜0既速度都未算拖慢好多，而且依然带俾我一种喺度食比较地道日本料理0既感觉。但系同样因为客人多，服务员通常都好忙，所以落单、斟水等等动作0既效率都唔系太高，好似我请佢帮我斟水，佢真系帮左我斟，但系冇帮我老婆斟...可能系呢间餐厅0既关系，要求都相对提高左。不过总括而言，呢度食物质素都真系唔错，位置亦算舒服，依然期待下次再黎。
张贴
