影片
更多
2014-10-16
1200 浏览
上次首尝蜂巢雪糕（见食评「韩蜂袭港」http://www.openrice.com/restaurant/commentdetail.htm?commentid=2391753&tc=MYOR&con=rvw），已对依种原粒蜂巢加超滑香浓嘅软雪糕印象深刻，尤其粒蜂巢金黄闪亮，外观晶莹，入口烟韧，蜜润清甜，极之讨好。今次再想分享另外几款味道，虽然店舖开档已过多月，而隔离大坑亦有相类似嘅店舖出现，前文提及嘅本土店亦再晌旺角开分店，但Honey Crème门外人气依旧，集结不少后生仔女轮候买雪糕。上回已介绍过佢哋嘅来头、店内环境、各款产品，所以，今次就废话少讲，直接去片。蜂蜜冰淇淋 $38蜂巢冰淇淋以蜂巢粒拼软雪糕，粒蜂巢食咗就好快无。而蜂蜜冰淇淋就先晌杯底加蜂蜜，注入软雪糕后，又再淋上蜂蜜，所以，由始至终都食到带有蜜香嘅软雪糕，软雪糕一如以后奶味浓郁，绵密细滑，蜂蜜纯正芳香，甜蜜滋润，跟食蜂巢冰淇淋各有韵味。有机棉花糖咖啡冰淇淋 $42店内有部棉花糖机，柔软绵绵嘅有机棉花糖都喺即场打，而咖啡采用Nespresso意大利浓缩咖啡做，眼前所见应该有5款味道，初时唔知，事后才知原来可以自行拣味，
上回已介绍过佢哋嘅来头、店内环境、各款产品，所以，今次就废话少讲，直接去片。
蜂蜜冰淇淋 $38蜂巢冰淇淋以蜂巢粒拼软雪糕，粒蜂巢食咗就好快无。而蜂蜜冰淇淋就先晌杯底加蜂蜜，注入软雪糕后，又再淋上蜂蜜，所以，由始至终都食到带有蜜香嘅软雪糕，软雪糕一如以后奶味浓郁，绵密细滑，蜂蜜纯正芳香，甜蜜滋润，跟食蜂巢冰淇淋各有韵味。
有机棉花糖咖啡冰淇淋 $42店内有部棉花糖机，柔软绵绵嘅有机棉花糖都喺即场打，而咖啡采用Nespresso意大利浓缩咖啡做，眼前所见应该有5款味道，初时唔知，事后才知原来可以自行拣味，有浓有淡。
有机棉花糖咖啡冰淇淋喺以软雪糕，加上一大嚿棉花糖，再由店员淋上咖啡，个人觉得玩效果多啲，不过，棉花糖溶晒之后，就好似加咗啲糖落咖啡度，唔会太苦太涩。咖啡嘅醇甘跟软雪糕嘅奶香好衬，除非你本身唔钟意咖啡，否则，依个冰淇淋好值得一试。
焦糖爆米花冰淇淋 $38哈哈，被朋友批死我一定会拣依款味，无错，身为焦糖死粉，总要一试嘅。其实依款冰淇淋都好简单，就只不过喺软雪糕加焦糖爆谷，再唧上焦糖浆，卖相都几吸引架，味道则焦香浓甜。一次过将雪糕加爆谷放入口内，奶香与焦香晌口腔内交融，甜蜜微妙，不过，爆谷质素有啲参差，有啲脆，有啲腍，要控制一下个稳定性。希望下次再试时，一切都嚟得完美。
虽然最后嘅焦糖爆米花冰淇淋晌啲焦糖爆谷上有甩漏，但对几款冰淇淋整体质素仍满意，好开心今次同朋友嘅「糕蜂」会议有个美味回忆。
张贴
