Simplylife Foodplace

营业中

休息中

同事送咗盒星巴克嘅「挂耳」咖啡俾我，斋饮唔喺唔好，但揾件靓饼衬吓作为下午茶咁就完美喇。所以，趁呢日过开金钟政府合署交文件，顺便嚟到呢间「Simplylife」买件丹麦酥食吓。之前都嚟过呢间「Simplylife」帮衬，知道佢一边喺卖西餐嘢，一边喺卖啲烘焙嘢。晌透明玻璃饼柜𠮶边打个转，一排排烘焙产品，牛角包呀、丹麦酥呀、蛋批呀、比高圈呀、各式面包、英式松饼、三文治，选择非常多，卖相极之吸引。榛子丹麦酥 $23上次试过玉桂卷，都觉得好唔错，但今次就拣个榛子丹麦酥，卖相当相当亮丽，烘得外层金黄，中间夹有一大抹榛子酱，一口咬落去，口感极之酥脆，甚富牛油香气，而中间嘅榛子酱榛子味浓郁，质感绵滑细致，衬埋杯咖啡，真喺一流享受。Simplylife，人生可以好简单就得到喜乐、满足 ，就好似今次咁，一件美味嘅丹麦酥，一杯醇香嘅咖啡。其实人生唔使搞咁复杂嘅，只不过喺因为人有太多永无止境嘅贪念、欲望，先至唔满足，产生咁多愁烦啫。