飲茶 (朗豪坊) (已結業)

已经第二次黎食，之前系铜锣湾店食过，今次就系旺角食，好食得黎又可以打卡，仲可以储里数，经openrice订座唔洗等又可以储里数。今次都冇令我失望，都系甘好食！上次已经点过既皮蛋豆腐，旺角店都系甘滑。一笼八戒，外型得意，系叉烧包黎。虽然唔系话好好食，但外型取胜。上次都有点既橙棍冬瓜，酸酸甜甜真系好岩做前菜，开开胃。流口水鸡，鸡件好滑，口水鸡够惹味。举手鸡件真系必点，糖醋酱，鸡炸得好脆，一字骨又方便食，极推荐点呢道菜！龙皇泡饭，呢个就有啲失望啦…太咸啦…旺角店系第一次黎，我觉得铜锣湾店环境舒服啲，因为旺角店系food court 隔离，人好多好旺，又限时90分钟，好难慢慢叹茶。整体服务唔错，店员都系后生仔女为主，挥手叫加茶果啲反应都好快，比起一般酒楼啲楼面叫极唔应或扮睇唔到你，呢到完全唔会有，店员反应快又好态度。不过都系中意铜锣店多啲，上次去可能因为星期一晚市又静，唔会俾人赶食，店员仲会主动过黎添水，但呢到太旺啦，店员都好忙。