38
7
4
等级4
174
0
2010-09-24 22 浏览
上次话左有机会要再黎食返食唔到的东西, 于是昨晚九点几就在冇订位情况下走黎食, 可能已经夜又大时大节少d人啦, 里面好多吉位, 于是被安排坐窗口位 ^.^ 首先端来牛脷粟米青瓜粒前菜, 每次黎都有, 不过牛脷真系几入味, 细细粒夹夹下好快就冇晒. 再当然要order佢o既招牌南瓜沙律$40, 依然系冇令人失望, 好香南瓜味, 今次仔细分析, 里面应该有d洋葱粒, 红萝卜粒加强咬口, 仲有稍为大片的南瓜连皮, 希望系有洗干净啦. 另外叫左馒鱼豆腐天妇罗, 我们将d萝卜蓉放落个汁度, 听讲话冇禁热气, 其实趁热食先食到果种馒鱼豆腐融为一体的感觉, 但系禁热真系放唔到入口呀. 另外试左佢o既海胆寿司$40同三文鱼寿司$20 (两件一客) 男朋友话觉得海胆有点苦, 我觉得紫菜好腍, 已经即刻食o家啦, 少少苦. 而三文鱼寿司真系麻麻地, 好细旧又唔香, 好似百佳的货色, 卖廿蚊我觉得有点揾笨. 另外再叫左一串烧牛舌, 三大片都ok厚的, 但冇乜香味, 得个咬字. 最后叫左上次食唔到o既鱼汤, 二人份量 $48(另上乌冬 $10) 个乌冬真系得果几条, 我地问果个侍应系咪加十蚊系两人份量, 佢望
上次话左有机会要再黎食返食唔到的东西, 于是昨晚九点几就在冇订位情况下走黎食, 可能已经夜又大时大节少d人啦, 里面好多吉位, 于是被安排坐窗口位 ^.^
首先端来牛脷粟米青瓜粒前菜, 每次黎都有, 不过牛脷真系几入味, 细细粒夹夹下好快就冇晒. 再当然要order佢o既招牌南瓜沙律$40, 依然系冇令人失望, 好香南瓜味, 今次仔细分析, 里面应该有d洋葱粒, 红萝卜粒加强咬口, 仲有稍为大片的南瓜连皮, 希望系有洗干净啦. 另外叫左馒鱼豆腐天妇罗, 我们将d萝卜蓉放落个汁度, 听讲话冇禁热气, 其实趁热食先食到果种馒鱼豆腐融为一体的感觉, 但系禁热真系放唔到入口呀. 另外试左佢o既海胆寿司$40同三文鱼寿司$20 (两件一客) 男朋友话觉得海胆有点苦, 我觉得紫菜好腍, 已经即刻食o家啦, 少少苦. 而三文鱼寿司真系麻麻地, 好细旧又唔香, 好似百佳的货色, 卖廿蚊我觉得有点揾笨. 另外再叫左一串烧牛舌, 三大片都ok厚的, 但冇乜香味, 得个咬字. 最后叫左上次食唔到o既鱼汤, 二人份量 $48(另上乌冬 $10) 个乌冬真系得果几条, 我地问果个侍应系咪加十蚊系两人份量, 佢望住兜野都仲话系, 我谂一个人食都唔够啦, 我男朋友直头同我讲, "即系迫我冇下次唧", 一心谂住带佢黎试下, 点知禁令我地失望, 见到个小小乌冬真系有点火滚...最后送左芝麻绿茶雪糕各一球, 总括黎讲觉得佢的寿司唔多掂, 都系熟食好d.
临尾叫多个南瓜沙律外卖比屋企人食, 唉, 唔系计较, 但比系收多四蚊加一仲要收埋外卖兜钱, 真系唔知识唔识做生意...
(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
用餐日期
2010-09-23
用餐途径
堂食
人均消费
$160 (晚餐)
推介美食
  • 鳗鱼豆腐天妇罗
  • 南瓜沙律