影片
更多
2015-06-13
956 浏览
首先要赞下 Table Map, 用佢地订台真系好方便，share 俾饭脚又简单。今次轮到同中学同学食我既生日饭，特别去左之前朋友带过我去既 Bellini。首先，食物方面同之前水准一样，好！佢既 Tasting Menu 好抵食，价钱都系 2百几到3百几， 你可以选羊架，牛扒，鲈鱼，跟餐本身有前菜，汤，主菜，甜品同饮品。今次我叫左羊架。 其他朋友分别有叫到牛扒同鱼，评价都系好的。牛扒大件到可以 share d 俾人食都得。另外我地仲叫左一打生蚝，好新鲜，亦有海水味，食落好 creamy。朋友送左支Sparkling 俾我，即场请餐厅帮手雪冻开黎饮，每人消费满＄250 就可以Waive 开瓶费。成餐饭唯一唔满意既地方，系我唔知道原来星期五都系收 10点咁早，我唔太记得上次黎系几点收铺，但之前都系一班吹水怪黎，点都唔会系咁早就散，所以，waitress 9点就埋黎remind 我地 10 点收铺时，我系有 d 愣然。如果我早知佢收咁早，我唔会选呢度，因为一来生日饭，又系happy Friday, 而且成班同学几个月先见一次，唔会想 10 点就返归。餐应本身地方唔大，所以楼面只有 2 个w
今次轮到同中学同学食我既生日饭，特别去左之前朋友带过我去既 Bellini。
首先，食物方面同之前水准一样，好！
佢既 Tasting Menu 好抵食，价钱都系 2百几到3百几， 你可以选羊架，牛扒，鲈鱼，跟餐本身有前菜，汤，主菜，甜品同饮品。
今次我叫左羊架。 其他朋友分别有叫到牛扒同鱼，评价都系好的。牛扒大件到可以 share d 俾人食都得。
另外我地仲叫左一打生蚝，好新鲜，亦有海水味，食落好 creamy。
朋友送左支Sparkling 俾我，即场请餐厅帮手雪冻开黎饮，每人消费满＄250 就可以Waive 开瓶费。
成餐饭唯一唔满意既地方，系我唔知道原来星期五都系收 10点咁早，我唔太记得上次黎系几点收铺，但之前都系一班吹水怪黎，点都唔会系咁早就散，所以，waitress 9点就埋黎remind 我地 10 点收铺时，我系有 d 愣然。如果我早知佢收咁早，我唔会选呢度，因为一来生日饭，又系happy Friday, 而且成班同学几个月先见一次，唔会想 10 点就返归。
餐应本身地方唔大，所以楼面只有 2 个waitress, 其中年纪较大一位，基本上成晚都系黑面，你唔可以话佢无service，但睇起上黎就系唔多想理你果种，同埋，我地系 9点同9点半都分别被提醒佢地收 10 点，但真系一到 10 点就黑左一半灯，同埋果位小姐已经拎晒d 单出黎埋数，我地几个朋友见到咁样，连单都未 check 就已经签咭，都仲未计好一人要夹几多钱，就要企起身赶住走怕阻住佢地，我明白铺头有关门时间，但有无需要做到咁呢？
食物几好都好，我谂都唔会再黎，边度都有价钱合理既好野食，为咩要受气同食到赶头赶命？
题外话/补充资料：
补充一点，餐厅本身应该系无洗手间（我记得上次黎都话系要去附近商场既），今次黎，朋友问佢地，waitress 覆话坏左，要去商场果边借用。 而商场既 Toilet 卫生情况认真麻麻。
(以上食记乃用户个人意见 , 并不代表OpenRice之观点。)
张贴
