榮式燒雞扒 (吳松街) (已結業)

岩岩開張果時食過一次，記得果時好爆下，個個都係食佢個照牌雞扒飯。果時menu冇咩款式，今次黎多左好多，又有鴛鴦扒又有親子井，仲可以揀唔要飯，轉麵、烏冬果d，但要加$12蚊，有d唔合理。最令人驚喜既係佢竟然推出漢堡包茶餐🍔，有薯條有野飲，不過要3點後先有，未有機會試我試左佢個親子井，比起上次，佢碟飯同雞夠熱好多，雞扒保持水準，好嫩滑，煎得岩岩好，肉汁鎖住，切開見到雞油浸出。炒蛋正正常常，有d似奄列，但冇想像中咁嫩。飯落咗豉油又有姜蓉，好正😉我朋友試鴛鴦扒，係一塊台式鹽酥炸雞同一塊煎扒，佢話兩款各有各好味，不過咁食可能好熱氣