莎樂美餐廳

营业中

休息中

考完试既午餐就同几个同学去左呢度食，都系四十几蚊就可以食铁板餐。又有汤、野饮同甜品，味道又唔错。边度可以揾到呀，真系好抵食。罗宋汤依旧咁足料，个汤有小小牛肉。个汤好多料，饮落去有小小酸，好开胃。个餐包又系新鲜整既，热辣辣好好食架。铁板牛扒主角黎度啦，新鲜热辣既铁板送到面前，气势迫人。黑椒汁唔会太辣，系好既。牛扒就好烟韧同好有肉味。好juicy。配菜都幼多，薯条好好味。冻奶茶无乜特别，唔算好饮又唔算难饮既。雪糕系有朱古力碎既雪糕，好味道。有甜品作结就完美啦。四十几蚊食到个铁板午餐，真系抵到无人有。一个月一次都好，仲有下次既。