養心殿台式養生鍋 (已結業)

都算系养心殿熟客，朋友约食饭即刻谂起黎打边炉。今次试佐敦分店，空间好大，几钟意呢度间格，好岩同朋友边食边倾计。位置够阔，可以放哂D边炉料。餐牌同其他分店一样，但留意到有新优惠指定时间食有折，几抵食! 先黎个沙冰，酸酸甜甜够开胃。黎呢度最紧要当然系汤底! 今次叫左美人锅并酸菜白肉锅。美人锅加左桃胶同乌鸡熬，除左鸡嘅鲜仲有金华火腿嘅香，唔会有好重好涩嘅药材味，未落料打边炉已经饮左两碗汤酸菜白玉当然系要酸，唔会死咸好开胃! 而且多俾左一份酸菜同白肉，加完汤都唔会变淡，锅入面本身配埋嘅宽粉条吸哂汤嘅味道，同样好好食，不过要尽快食唔系会煮烂哂。落单后好快已经上好菜，薄切羊肉轻轻一烫就食得，羊味唔算好浓，唔会太膻。我更爱手切牛肉，叫左小份但份量都唔细，雪花分布好靓而且新鲜，牛味浓郁之余肉质嫩滑。每次都点嘅手工丸并盘，一次食哂唔同口味，黑松露虾丸同芝士牛丸都系的心水，惹味又爽口。竹笙份量几多，吸哂汤底精华之后超好食! 蔬菜盘系另一必点，菌类到栗米到菜都齐哂，放入汤度煮起好甜，又可以减轻下食肉嘅饱滞感。响铃脆身但唔会太油，同浓郁嘅汤底真系绝配。食饱饱仲有糖水送，可以拣芋圆同雪糕，真系超满足。雪糕有几多