稚

营业中

休息中

星期六心血来潮行左去“稚”附近，既然都行到嚟呢边，一场嚟到不如入去试下佢嘅午餐。佢嘅午市定食都几多选择，定食已经有味噌汤同埋茶，所以我都无另外叫饮品。两个人每人一个定食，一个和风牛肉定食，一个豚肉生姜烧定食。和风牛肉定食首先上枱，牛肉就略嫌干左少少，味道系和风味道。可能因为牛肉放左喺饭面，牛肉汁已经流左去饭度所以显得有少少干，多番少少汁应该会好d。至于豚肉生姜烧系加左钱转猫饭，所以豚肉系分开左另一只碟上嘅。猫饭味道系几特别，次次我都系食半份就同人地嘅白饭交换，成个猫饭食晒我自己就觉得有少少腻嘅，两个人交换食我觉得岩岩好。豚肉生姜烧有少少姜味，唔算太浓。可能豚肉系分开碟上嘅关系，佢嘅汁好明显比牛肉定食多，唔会觉得干。豚肉生姜烧味道虽然浓d，但系今日嘅牛肉真系干左少少，所以今次豚肉生姜烧胜出！最平46蚊有个日式定食食下，卖相同食物质素又唔错，算系性价比高嘅一餐。