影片
更多
2014-05-07
3843 浏览
其实跟本用不著等位，店员只是忙于招呼外卖客，赶左我系街出面呆企而已。服务真系好到呢，证明佢几咁唔忧做~所以系门口影下相LOR。门面都几典雅，有D似博物馆。排队既人有成十几个，每个消费都上百元，怪唔得人招呼堂食客。单睇连入座几位都要大家自己有秩序咁mark低就知。未来过真系唔会留意，以为自己要跟外卖队排。不过，写低都无用，店员见门面有成六、七个唔似系外卖既，先问一句:系咪堂食，堂食可以入去！仲唔系似次序安排入去，又无问人几多个，真系乱到爆！好不容易坐左落去，发现台与台之间好少空间，要扮同隔离friend，背靠背食野(除非你较娇小)，枉论揾个地方摆袋，故建议靠墙坐。明哂！外卖万岁！非北角居民只能做二等"客"人。不过，台面上有关该店、卤水材料，以及特色𩠌菜既推介的确很入门。好似上网站睇一间公司大概做咩，好快就一目了然。佢当然无写份量，但卤水主要材料既介绍，令餐馆本身的功能由饮食服务提供者的角色，迈进文化交流的平台。咁可能同老板系做过酒店有关，又识系机场开舖，视野远不限于地区经营模式的小店。好啦，都系唔好再讲佢营商特式，讲返佢既卤水。卤水的主要香料原来包括：小茴香、八角、丁香、陈皮、草果、玉桂
所以系门口影下相LOR。门面都几典雅，有D似博物馆。
排队既人有成十几个，每个消费都上百元，怪唔得人招呼堂食客。单睇连入座几位都要大家自己有秩序咁mark低就知。未来过真系唔会留意，以为自己要跟外卖队排。不过，写低都无用，店员见门面有成六、七个唔似系外卖既，先问一句:系咪堂食，堂食可以入去！仲唔系似次序安排入去，又无问人几多个，真系乱到爆！
好不容易坐左落去，发现台与台之间好少空间，要扮同隔离friend，背靠背食野(除非你较娇小)，枉论揾个地方摆袋，故建议靠墙坐。明哂！外卖万岁！非北角居民只能做二等"客"人。不过，台面上有关该店、卤水材料，以及特色𩠌菜既推介的确很入门。好似上网站睇一间公司大概做咩，好快就一目了然。佢当然无写份量，但卤水主要材料既介绍，令餐馆本身的功能由饮食服务提供者的角色，迈进文化交流的平台。咁可能同老板系做过酒店有关，又识系机场开舖，视野远不限于地区经营模式的小店。好啦，都系唔好再讲佢营商特式，讲返佢既卤水。
卤水的主要香料原来包括：小茴香、八角、丁香、陈皮、草果、玉桂、沙姜、甘草、香叶、花椒、洋小茴、芫荌籽、白豆蔻、红曲米等，介绍中英并荗 (门前仲有日文)。看上去真的似中式的"咖喱"制法，香料甚多，也是完全考功夫及时间，急不得，只是卤水并不以辣味为主，对广东人而言就多了份亲切感。
不过，曾经去过台湾的卤水店，人人赞好又好有名气的地方，卤水都离唔开较强的咸味。呢点系我最反感，亦系我唔多觉得有边间卤水店真系令我好食过番寻味既原因。唔知呢间又点呢？菜单同样中英并荗， 又有辣味提示，有以卤水为主打菜式既页面，左面以佢既招牌卤水鹅为主：
鹅片(起片) 例牌$168; 双拼 $188; 三拼$208
有骨个款系平均平D: 例牌$138; 双拼 $158; 三拼$168
掌翼有 双拼 $1528; 三拼$148
头颈$45
右页有.. (例牌$118; 双拼 $128; 三拼$148
卤水元蹄、猪腩肉、千层猪大肠、猪颈肉
墨鱼、鹅肾(另加小吃类:$58)
而卤水豆腐同鸡蛋都系单价，分别系$35同$20
拼既会系以最贵既价去计。所以如果要试卤水鹅，基本上你只要睇第一、二行，决定要几多拼就得。如果要系拼盆上加卤水豆腐，唔使叫三拼，因为双拼都系用卤水豆腐垫底。
其他选择有
招牌鸭下巴 ($45)、 阿鸿鸭舌 ($45)、卤水鸭舌 ($58) 、醉香鸭舌 ($58)
五香牛展 、川辣牛展 、香麻海蜇、芥末鸡脚筋、麻香鸡脚筋 ($58)
凉拌爽耳丝 (猪耳)、红油爽耳 ($50)
蒜香鸡及滋味鸡 (分两种价：例$188; 双拼$208)
亦有饭类，价格由$50至$70，配料都系前面提及过既野，唔重覆啦。呢个选择都几ARM一支公来，试多几款。
我地最后拣左以下最想试既野：1. 是日例汤 $22 (本来系写"家庭式老火汤"，仲声明唔加味精，不过个日我见既明明系"蕃茄薯仔猪展汤"，即使D薯仔煲到"林晒"，令成个汤厚重味浓，阿妈教落呢D都唔算系老火汤，惟有改改用字。当然，台湾人可能已经觉得煲咁耐就系"老火"啦... 呢样就留番比食家判断啦。我呢个喽啰只可以话呢个汤唔错，不过我可能比较幸福，屋企人会加D红萝卜，甚至系玉米同紫洋葱，真系好甜，令到我至今我对其他餐馆既中汤都睇唔上眼。
2. 醉香鸭舌 ($58)酒香而不涩，鸭又爽又滑又嫩，份量又唔嬉场，性格比极高，好完美BOR真系~ 佢系令我再返去既主因!
3. 招牌捞面 $60餐牌都例明有芽菜、XO酱、葱、火腿茸上汤，就睇你想唔想试同ARM唔ARM食啦。同"蔡澜捞面"就唔同在后者用左猪油、姜、京葱、同豉油皇去配个火腿茸上汤。蔡澜系同阿老板讲佢觉得咁好食，所以呢道菜以佢为名。但睇左蔡生既饮食节目觉得我同佢口味都唔系好夹，就叫左个招牌试下。
个捞面几干爽，配料好似无例出而又混系XO酱入面既脆虾干，令佢层次更丰富。虽然辣左D，不过，如果沾火腿茸上汤，成件事都几夹。只系，呢个小山堆既油炒面，有D唔够出位，食多少少都太"利"，无令我好想食多几次既感觉。
4. 卤水鹅片(起片) 拼 元蹄 $188鹅肉味浓出众，爽口弹牙，不肥不干，脂肪比例相宜，同卤水配合令佢味道丰盛，増添良选原材料既特色。
元蹄好爽，虽然比左左右两边少少几块，但已经好够啦。佢唔肥又唔"漏"，脂肪已经同卤水做左朋友，好入味，成块食都唔觉好"利"。肉身又有卤水香，又有猪肉香，少少咸，香料四溢，真系好正!
豆腐个样都几靓仔几厚，不过又唔系话特别滑特别好食。
总括而言，我第一次食到咁有质素既卤水菜式同醉香鸭舌! 好啦! 为左再试下其他菜式，我决定忍受佢既服务态度，下次再黎!
张贴
